(бу) китаб (йәни қуран) ниң аләмләрниң пәрвәрдигари тәрипидин назил қилинғанлиқида һеч шәк йоқтур

мушриклар: «муһәммәд уни өзи тоқуди» дәйду. һәргиз ундақ әмәс, бәлки у сәндин илгири һечқандақ бир пәйғәмбәр кәлмигән бир қәвмни һидайәт тапсун дәп, уларни агаһландурушуң үчүн, пәрвәрдигариң тәрипидин кәлгән һәқиқәттур.

1911187
(бу) китаб (йәни қуран) ниң аләмләрниң пәрвәрдигари тәрипидин назил қилинғанлиқида һеч шәк йоқтур

(бу) китаб (йәни қуран) ниң аләмләрниң пәрвәрдигари тәрипидин назил қилинғанлиқида һеч шәк йоқтур

түркийә авази радийоси: сәҗдә сүриси, 1 - 10 - айәтләр. наһайити шәпқәтлик вә меһрибан аллаһниң исми билән башлаймән.

әлиф, лам, мим[1]. (бу) китаб (йәни қуран) ниң аләмләрниң пәрвәрдигари тәрипидин назил қилинғанлиқида һеч шәк йоқтур[2]. мушриклар: «муһәммәд уни өзи тоқуди» дәйду. һәргиз ундақ әмәс, бәлки у сәндин илгири һечқандақ бир пәйғәмбәр кәлмигән бир қәвмни һидайәт тапсун дәп, уларни агаһландурушуң үчүн, пәрвәрдигариң тәрипидин кәлгән һәқиқәттур[3]. аллаһ асманларни, земинни вә уларниң арисидики нәрсиләрни алтә күндә йаратти, андин әрш үстидә (өзигә лайиқ рәвиштә) қарар алди. силәргә аллаһтин башқа һечқандақ игә йоқ, шапаәт қилғучиму йоқ (буни) пикир қилип (иман ейтмамсиләр?)[4]. аллаһ асмандин земинғичә болған (мәхлуқатиниң) ишлирини идарә қилип туриду, андин у ишлар узунлуқи силәр санаватқан миң йилдәк келидиған бир күндә аллаһниң дәргаһиға өрләйду[5]. у (аллаһ) йошурунни вә ашкарини билгүчидур, ғалибтур. (бәндилиригә) наһайити меһрибандур[6]. у һәммә нәрсини чирайлиқ (йәни һекмитигә мувапиқ, җайида) йаратти. дәсләптә инсанни (йәни инсанларниң атиси адәм әләйһиссаламни) лайдин йаратти[7]. андин униң нәслини әрзимәс суниң җәвһири (йәни мәний) дин йаратти[8]. андин уни равурус йаритип, униңға өзигә мәнсуп роһни киргүзди (йәни җанни киргүзди). йәнә силәр үчүн қулақларни, көзләрни вә йүрәкләрни йаратти, силәр аз шүкүр қилисиләр[9]. улар: «йәр астида йоқалғандин кейин (йәни гөрдә топиға айлинип кәткәндин кейин) растла қайта йаритиламдуқ?» дәйду, бәлки улар пәрвәрдигариға мулақат болушни инкар қилғучилардур[10].



مۇناسىۋەتلىك خەۋەرلەر