көк бөрә

биливелиң (11)

1908898
көк бөрә

көк бөрә

түрк әпсанилиридә бөриниң наһайити зор әһмийәткә игә икәнликини биләмсиз?

       охшимиған дөләтләрниң әпсанилиридинму орун алған бөрә тотеми түрк миллитиниң символи һесаблиниду. бир түрк дастанида, бөрә, нәсәбниң изчиллиқиға капаләтлик қилидиған вә түрк миллитини йоқилиштин сақлап қалидиған асаслиқ амил сүпитидә тәсвирлиниду. йәнә бир дастанда болса, бөрә, түркләргә йетәкчилик қилидиған йетәкчи сүпитидә байан қилиниду. көк бөрә, түркләрниң етиқад мәпкурисиға асасән муқәддәс вә бәхт – саадәт елип кәлгүчи мәхлуқтур.

  түрк әпсанилиридә муқәддәс мәхлуқ сүпитидә тилға елинидиған көк бөрә, түркләр өзлири билән бир гвдиләштүргән, өзлириниң аниси вә әҗдади дәп қобул қилған һайвандур. көк бөриниң тарихтин бурунқи дәврләрдин буйан түркләр тәрипидин муқәддәс дәп қарилип, дөләт символиға айлинишиниң әң муһим сәвәби, түркләрниң көк бөриниң нәсәбидин кәлгәнлики тоғрисидики әпсанидур. буниңдин башқа йәнә,  әркинлик, сүрәт вә тәбиәткә вәкиллик қилидиған күчлүк вә чаққан һайван болған көк бөрә, түркләрниң характерини әкис әттүриду, дәп қарилиду. түрк дунйасиниң һәрқайси җайлиридики таш йаки қәбрә ташлирида тәңри - бөрә тәсвирлири көзгә челиқиду. тарихтин буйан, түрк дөләтлиридә байрақ вә пулларғиму бөриниң сүрити чүшүрүлгән.

көк бөрә ататүрк тәрипидинму «дөләт символи»  елан қилинған, һәмдә түркийә җумһурийитиниң дәсләпки йиллирида көк бөриниң сүрити чүшүрүлгән марка вә пуллар бесилған.



مۇناسىۋەتلىك خەۋەرلەر