atatürk heqqide yézilghan kitablar

atatürk heqqide hazirghiche minglighan kitablarning yézilghanliqini bilemsiz?

mustapa kamal atatürk türkiyedila emes, dunyadimu muhim tesir qaldurghan meshhur rehberdur. nurghun döletler uni özlirige ülge qildi, nurghun tetqiqatchilar we yazghuchilar uning hayatini tetqiq qilip kitablarni yazdi. türkiyening milliy musteqilliq urushi we atatürk heqqide dunyaning herqaysi jaylirida yüzligen kitablar we minglighan maqaliler élan qilindi.

dunya tarixida chongqur izlarni qaldurghan we özgiche zamaniwi tepekkur sistémisining ülgisi bolghan atatürk heqqide ingliz, firansuz we némis tillirini öz ichige alghan köpligen tillarda yézilghan kitablarni tapqili bolidu. engiliye yazghuchisi lord kinrosning besh yilliq tetqiqat netijiside yézip chiqqan  «atatürk: bir milletning qayta tughulushi» namliq esiri, ashu kitablar ichide eng dangliqi hésablinidu. bu kitabta, türk millitining mustapa kamal atatürk qurghan türkiye jumhuriyitide qayta tughulushi we atatürkning özgiche mijez – xulqi eks ettürülidu.

atatürk heqqide yézilghan eng keng dairilik eser bolsa, engliyelik tetqiqatchi we yazghuchi andréw mango yazghan: «atatürk: zamaniwi türkiyening tughulushi» namliq kitabtur. nurghun tarixiy weqeler ixcham we chüshinishlik tilda bayan qilinghan bu kitabta, atatürkning peqet rehberlik alahidiliklirila emes, belki uning etrapidikiler we kishilik munasiwetlirimu tepsiliy tonushturulghan. 1963-yili tunji qétim neshr qilinghan we xelqara sahede tarixchilarning qizghin alqishigha érishken bu kitab hazirmu eng köp sétiliwatqan atatürk terjimihalliridin biri hésablinidu.