нәмрут теғи дөләт бағчиси

биливелиң (9)

1900030
нәмрут теғи дөләт бағчиси

нәмрут теғи дөләт бағчиси

шәрқий җәнубий анадолу районидики «нәмрут теғи» ниң дөләт бағчиси икәнликини биләмсиз?

 шәрқий җәнуби анадолу районида, һәйвәтлик һәйкәллири билән тонулған «нәмрут теғи» ниму өз ичигә алған «нәмрут теғи дөләт бағчиси» ниң көлими 13 миң 827 гектар болуп, 1988-йили дөләт бағчиси салаһийитигә еришкән.

дөләт бағчиси чегралири ичидә зийарәт қилишқа тегишлик нурғун җайлар бар. «нәмрут теғи» ға баридиған тунҗи җай, тағниң зийарәтчиләр күнниң туғулушини көзитидиған шәрқий  егизликидур. бу җайға бериш үчүн, аптомобил билән бир йәргичә йетип барғандин кейин, оттура һесаб билән бир саәттәк давандин пийадә меңип ешишқа тоғра келиду. йол бойи көзгә челиқидиған мислисиз мәнзирә, шундақ мушәққәтләрни тартишқа әрзийду. шәрқий егизликидә, «нәмрут теғи» ниң һәйкәллири билән қуйашни көрсиз. «нәмрут теғи» ниң ғәрбидики еһрам шәкиллик мәқбәриниң қарши тәрипидики шәрқий егизлики билән, һәмдә тәңриләр каридоридики һәйкәлләр билән асасән охшаштур. бу йәрдә, коммаген падишаһи антиокһусниң тәңриләр билән саламлишишини әкс әттүргән вә шир фигорасини шәкилләндүргән бәш қапартма нәқиш бар. ширни шәкилләндүргән  қапартма нәқиш,  «шир увиси» дәп аталған вә һәр 25 миң йилда бир қетим йүз беридиған астрономийәлик һадисисигә символ қилиниду, һәмдә дунйаниң әң қәдимки гирек упуқ сизиқи икәнлики илгири сүрүлиду. ғәрбий егизликидики районниң әң егиз теғи болған «нәмрут теғи» ниң башқа тағлар вә егизликләрниң үстидики сайисидин шәкилләнгән мәнзириниң гүзәлликиму көрүшкә әрзийду.

дөләт бағчисиниң ичидә йәнә, «кона қәлә» дәпму атилидиған «арсамейа харабиси» му бар. буниңдин башқа  йәнә, «нәмрут теғи» ниң қарши тәрипигә җайлашқан «қарақуш егизлики» диму  коммаген падишаһлиқиға тәвә абидә бар. һазирму  ишлитиливатқан дунйадики әң қәдимки көврүкләрдин бири болған « җәндәрә көврүки» му  «нәмрут теғи дөләт бағчиси» ға җайлашқан. узунлуқи 120 метир, кәңлики 7 метир келидиған көврүк, үстидики латин йезиқидики хәткә асасланғанда,  миладидин бурунқи 200-йилларда, рим императори сепимус севирус тәрипидин у әң йахши көридиған айали вә оғуллириниң намида салдурулған. көврүктин пәқәт пийадила меңип  өтүш мумкин. «җәндәрә көврүки», түрк киночилиқида көп қетим сорун сүпитидә ишлитилгән.



مۇناسىۋەتلىك خەۋەرلەر