29 – öktebir jumhuriyet bayrimi
bügün türkiye jumhuriyiti qurulghanliqining 99 - xatire küni.
türkiye awazi radiyosi: bügün biz türkiye jumhuriyiti qurulghanliqining 99 – xatire yilini qizghin tebriklewatimiz. 1923 – yili 23 – öktebir küni top étilishi we cheksiz shad – xuramliq tuyghuchisi ichide pütkül jahangha jakarlanghan türkiye jumhuriyiti quruldi. osmanli impériyesining birinchi dunya urushidin meghlub shekilde ayrilishi we dölet térrotériyesining ghalib döletler teripidin talan taraj qilinishi dölette cheksiz derd - elem yaratti. quwayi milliye / milliy xelq eskerliri sheklide teshkillinip, mustapa kamal atatürk rehberlikide birleshken milliy küchler «azadliq urushi» gha atlandi. «türkler köp sanliqni teshkil qilidighan rayonlar türkiye chégrasi süpitide qélishi kérek» pikrige asasen élip bérilghan küresh netijiside, 1922 – yili 30 – awghust küni, «bash qomandanliq meydan urushi» da ghelibe qazinilip, ishghalchi küchler hazirqi türkiye térrotériyesidin qoghlap chiqirildi.
tinchliq söhbetliri netijiside ishghal astidiki istanbulning azad qilinishi, arqidinla hasil qilinghan «lozan tinchliq shertnamisi» arqiliq osmanli impériyesi tarix sehnisidin chékindi, uning tarixtiki ornini türkiye jumhuriyiti igilidi. 1923 – yili 29 – öktebirgiche dawamlashqan muzakirilerdin kéyin, jumhuriyet élan qilinip, enqerening paytext qilinidighanliqi pütkül dunyagha uqturuldi.
jumhuriyitimiz qurulghanliqining 99 – yilliqini tebriklewatqan bu xushalliq künde, rehbirimiz mustapa kamal atatürkni öz ichige alghan milliy kürishimizning qehrimanlirini cheksiz hörmet we minnetdarliq tuyghusi ichide yad étimiz.
