heywetlik kocha

dunyadiki «eng heywetlik» kochilardin birining istanbulda ikenlikini bilemsiz?

turmush usuli we sayahet heqqide paaliyet élip baridighan dunyadiki eng dangliq zhurnallardin biri, 2022  - yilining  eng heywetlik kochiliridin birini échiqlap chiqish üchün, 20 mingdin artuq xelqaraliq sheher ahalisi ishtirak qilghan bir ras sinash élip bardi.  dunyadiki eng heywetlik 33 kocha éniqlap chiqilghan ray sinashta, istanbulning beshiktash nahiyesidiki «sulayman seba kochisi», dunyadiki eng heywetlik  27 – kocha bolup tallandi.

tarixi, binakarliq qurulmisi we özige xas muhiti bilen maxtashqa erziydighan kochidiki «qatar ketken öyler», «kochining bash taji» dep atilidu. «qatar öyler» yene türkiyediki tunji ammiwi turalghu layihesi hésablinidu. sultan abduleziz dewride, qurulushi, dolmabahche sariyi öyliri süpitide 1875 – yili bashlanghan. bu öylerning beziliri ordida ishleydighan qarawullar we aghalarning turushi üchün, hazirqi menide yataq öy qilip layihelengen, yene beziliri bolsa ijare öyi qilip layihelengen.

mustapa kamal atatürkning anisi, singlisi we béqiwalghan oghlimu qatar öylerdiki 76-nomurluq binada bir mezgil turghan. atatürkmu daim baridighan bu öy , u tilshunas férdinand dé sussur bilen tonushqan we türk tarix tetqiqat jemiyiti bilen türk til tetqiqat jemiyitining ulini salghan öydur. 2010-yili muzéy süpitide échilghan üch qewetlik öyde atatürkke ait buyumlar we tarixiy asare-etiqiler körgezme qilinmaqta. buningdin bashqa yene, her xil sinalghu pirogrammiliri, höjjetlik filimler we filimler  arqiliq balqan urushi, köchmenler we milliy küresh qatarliqlar tonushturulmaqta.