heddidin ziyade köp terleshni tebiiy dawalash usulliri

shipa buliqi (5)

1887709
heddidin ziyade köp terleshni tebiiy dawalash usulliri

heddidin ziyade köp terleshni tebiiy dawalash usulliri

(doktor mehmet uchar)

heddidin ziyade köp terleshni tebiiy dawalash usulliri töwendikiche:

terlesh, bedenning issiqliqi, su we tuz tengpungluqini saqlaydighan fiziologiyelik ehwaldur. heddidin ziyade köp terlesh, bolupmu qoltuq, tapan we alqanlarda oxshimighan sewebler tüpeylidin kélip chiqidu.

• alma sirkisi

bediningiz pütünley qurughanda, pakiz paxta topigha alma sirkisi töküng. bu paxta topini terleydighan rayonlargha sürüp, qurushini kütüng. etigende oyghanghiningizda, yene bir qétim illiq suda yuyunup, sirkining puriqini chiqiriwéting. beden upisini terleydighan rayonlargha sürüng.

• chöl yalpuzi

heddidin ziyade köp terlesh mesilisini eng ünümlük hel qilish chare – tedbirliridin biri chöl yalpuzidur. chöl yalpuzini 2 xil shekilde ishlitish mumkin. biri, chöl yalpuzini chay ornida istémal qilish, yene biri bolsa, chöl yalpuzini bedinimizge quwwetlendürüsh dorisi süpitide ishlitishtur.

chöl yalpuzini quwwetlendürüsh dorisi süpitide ishlitish üchün, uni15-20 minut demlep, sowutung. andin, paxta topi yaki bir parche rextni chaygha chilap, köp terleydighan jaygha sürüng. bu usulni künde 2-3 qétim tekrarlang.

• dolana chéyi

dolana chéyini adettiki ösümlük chay teyyarlash usuli boyiche qaynitip, demlep, künige 1 istakan ichsingiz bolidu.

dolana chéyi heddidin ziyade köp terleshke paydiliqtur.

 

• limon we tuz arilashmisi

limon we tuz arilashmisi üchün kéreklik matériyallar:

  • 3 qoshuq limon süyi
  • 1 qoshuq tuz

teyyarlash usuli: matériyallarni bir-birige yaxshi arilashturung. andin bu arilashmini heddidin ziyade köp terleydighan rayongha sürüp, 5-6 minut kütüng. andin bu rayonni pakiz yuyung. bu usulni her küni bir qétim qollansingiz bolidu.

• échitqu

yérim istakan su bilen 1 qoshuq échitquni arilashturung. bu arilashmini terleydighan rayonlargha sürüng. 15 minuttin kéyin, ilman su bilen yuyung. bu usulni heptide 2 qétim qollansingiz bolidu.

• qara bughday

qara bughday terleshni tengsheydighan ösümlüklerning biri. bir chimdim qara bughdayni bir istakan suda 5 minut qaynatqandin kéyin, bir nechche minut demlep, ichsingiz bolidu.

• kokus méyi

kokus yéghining puriqi nachar puraqlarni yoqitishta ünümi nahayiti yuqiridur. illiq suda yuyunghandin kéyin, terleydighan rayonlargha kokus méyi sürsingiz bolidu.

eskertish: sezgürlük késilige giriptar bolghanlar kokus yéghi ishlitishtin burun doxturdin meslihet sorishi kérek.

• yéshil chay

oxshimighan 2 xil shekilde ishlitish usuli bar. birinchisi, chay ornida istémal qilish, ikkinchisi, quwwetlendürüsh dorisi süpitide ishlitish. yéshil chayni qoltuq, qol we put qatarliq köp terleydighan rayonlarni tazilash süyi ornida ishletsingiz bolidu.

aldi bilen, yéshil chayni demleymiz, andin sowutimiz. 15-20 minuttin kéyin, bu arilashmini bir parche rext yaki paxta topining yardimide heddidin ziyade köp terleydighan rayongha sürgendin kéyin, uxlaymiz. bu usulni sistémiliq halda her küni qollanghiningizda yaxshi ünümge érisheleysiz. heddidin ziyade köp terlesh mesilisini tebiiy usullar arqiliq hel qilishta bu usullarning ünümi intayin yuqiridur. lékin, ünüm hasil qilish üchün, bu usulni her küni qollinish kérek.

• qara chay

oxshimighan 2 xil shekilde ishlitish usuli bar. birinchisi, chay ornida istémal qilish, ikkinchisi, quwwetlendürüsh dorisi süpitide ishlitish. terlesh mesilisini hel qilish üchün her küni 1 istakan qara chay ichsingiz bolidu.

bir cheynekte qara chayni demleng. andin uning sowushini kütüng. illiq halgha kelgendin kéyin, paxta topini chaygha chilap, terleydighan rayonlargha sürüng. chay qurughandin kéyin, issiq suda yuyunsingiz bolidu.

• karbonat we aloy

 karbonat we aloy arilashmisi üchün kéreklik bolghan matériyallar:

  • 2 chay qoshuqi karbonat
  • 2 qoshuq aloy géli

teyyarlash usuli: aldi bilen, eger siz öyde östürgen aloy ösümlüki bolsa, uningdin géli alsingiz bolidu. buning üchün 1 yaki 2 aloy yopurmiqini késip, bir qoshuqning yardimide arilashturush qachingizgha géli suyuqluqini éling. andin géli sélinghan qachigha 2 chay qoshuqi karbonat ilawe qilghandin kéyin, yaxshi arilashturung.

arilashmini teyyarlighandin kéyin, terleydighan rayongha sürüng. arilashmini tazilishingiz yaki yuyushingizning hajiti yoq. uni shu péti qoyup qoyung. ünümlük netijige érishish üchün uni her küni qollinishingiz kérek.

• illiq chöl yalpuzi, yéngi yaki qurutulghan pinne istémal qilish, zerchiwe talqini istémal qilish, bedendiki heddidin ziyade ajrilip chiqishni azaytidu we ademni téximu kötürenggü rohluq qilidu.



مۇناسىۋەتلىك خەۋەرلەر