insulin qarshiliqi késilining aldini élish we chare - tedbirlir

shipa buliqi (4)

1885188
insulin qarshiliqi késilining aldini élish we chare - tedbirlir

insulin qarshiliqi késilining aldini élish we chare - tedbirliri

(doktor mehmet uchar)

insulin qarshiliqi késilining aldini élish we chare - tedbirliri töwendiche:

insulin qarshiliqi, bediningizning özi ishlepchiqarghan insulin hormunining miqdarigha inkas qayturalmasliqi, dégen uqumni bildüridu. ashqazan asti bézi ishlepchiqarghan hormon bolghan insulin, hüjeyrilerning shékerni sümürüshige we ishlitishige yol qoyidu. insulin qarshiliqi bar kishilerde hüjeyriler insulinni ünümlük ishlitelmeydu.

köpinche kishiler qan tekshürtmigüche özide insulin qarshiliqi barliqini hés qilmaydu. hemmeylenning qan qenti sewiyesi yuqiri bolidu. shundaqtimu, bediningizning qandiki qent sewiyesi izchil yuqiri bolghanda, siz adettikige qarighanda téximu köp ussuzluq, kichik teretke köp chiqish, téximu köp charchash, körüsh quwwitingizning xireliship kétishi we putliringizning astida qisilip qélishini hés qilishingiz mumkin.

insulin qarshiliqini bashqurush, (yémek-ichmek, chéniqish we diyabétning aldini élish qatarliq) turmush usulini özgertish we dorilar arqiliq emelge ashidu. oruqlash, chéniqish we saghlam yémekliklerni istémal qilish qatarliq kichik qedemlerni bésish insulin qarshiliqigha taqabil turushqa yardem béridu.

tertiplik ozuqlinishni adetke aylandurung

uzuqlinish usulingiz, insulin qarshiliqining aldini élishta eng muhim amildur. insulin qarshiliqi mesilisini hel qilishning usuli ashqazan asti bézini adettin tashqiri derijide  ghidiqlaydighan yémekliklerdin yiraq turushtur. bu yémeklikler hesel, shirne, murabba, pizza, hamburgér bolkisi, aq gürüch we makarna qatarliqlarni öz ichige alidu.

karbon su birikmilik yémekliklerni az istémal qilish, karbon su birikmilik yémeklikler miqdarini kündüzi tengshep istémal qilish we qent sewiyesi töwen yémekliklerni tallash, insulinning sezgürlükini ashurushning aqilane usulidur.

öz waqtida tamaq yéyishke ehmiyet béring

«bir wax tamaq yémigende téximu az kaloriiye alghili we téximu köp uruqlighili bolidu» dep oylishingiz mumkin. bu peqet insulin we qandiki qent miqdarini töwenlitidu. bu bolsa  beden éghirliqining téximu éship kétishini keltürüp chiqirishi we bediningizdiki insulin qarshiliqi sewiyesidini ashuruwétishi mumkin.

chéniqish

tetqiqatlarda ispatlinishiche, her küni 35-45 minut chéniqip bergende, insulin qarshiliqigha mukemmel taqabil turghili bolidiken. bezi bayqashlar shuni ispatlidiki, pirinsipliq méngishning ünümi 48 saet bolidiken. hetta 2 künde bir méngip bérish arqiliqmu insulin qarshiliqining aldini alghili bolidiken.

yéterlik jismaniy heriket qilish, insulin qarshiliqi we diyabét késilini tengpung halette tutushingizgha yardem béridu.

beden saghlamliqi herikiti we insulin qarshiliqigha taqabil turush meshiqi insulinning sezgürlükini ashurushqa yardem béreleydu, emma chéniqishta bularni birleshtürüsh eng ünümlük yoldek qilidu.

süpetlik uxlash

uyqu yéterlik bolmisa salametlikke ziyan yetküzidu we insulin qarshiliqini ashurruwétiidu. qanghudek uxlash uyqu yéterlik bolmasliqning tesirini eslige keltüreleydu.

        bésimni bashqurush

insulin qarshiliqi xewipini ashuruwétidighan seweblerning biri dawamliq bésim astida bolushtur. pikir - tepekkur qaynimigha chömüsh, chéniqish we uxlashning hemmisi bésimni azaytishqa yardem béridighan yaxshi usulardur.

       tamaka chékish

tamaka chékishni toxtitish kérek.

        kontrolluq oruqlash

bolupmu heddidin ziyade sémizlik insulinning sezgürlükini töwenlitiwétidu. oruqlash insulinning sezgürlükini yaxshilashqa we diyabét késilige giriptar bolush xewpini töwen sewiyege chüshürüshke yardem béridu.

         érishchan tala istémal qilish

érishchan tala istémal qilishning hem salametlikke paydisi nahayiti köptur, hemde ücheyliringizdiki dostane baktériyelerni uzuqlandurushqa yardemchidur.

künige 50 giramdin artuq tala istémal qilish qandiki qentning tengpungluqini saqlashqa yardem béridu. érishchan tala mol yémeklikler purchaq türidikiler, sulu yarmisi, zighir, biryussél kapustisi, badam, qara purchaq, brokkoligha oxshash köktatlar, apélsingha oxshash méwe – chéwilerni öz ichige alidu.

       mayliq béliq istémal qilish

tetqiqatlargha qarighanda, salmon, sardin, kök chipar, ringa we anchous qatarliq yaghliq béliqlarni istémal qilish yuqiri süpetlik aqsil bilen teminleydken. ela süpetlik aqsil istémal qilghanda, insulin qarshiliqi we insulinning miqdarini töwenletkili bolidiken. bu béliqlar yene, uzun zenjirsiman oméga -3 yaghlirining eng yaxshi menbesi bolup, paydisi nahayiti köp iken.

renglik méwe – chéwe we köktatlar

renglik méwe – chéwe we köktatlarning terkibide insulinning sezgürlükini ashurushqa yardem béridighan ösümlük birikmiliri moldur. biraq bezi türliride shéker köp bolghanliqtin, bir qétimda  bek köp méwe – chéwe yéyishtin éhtiyat qiling.

     aqsilni   muwapiq miqdarda istémal qilish

tamaqlarda yéterlik aqsil istémal qilish, beden éghirliqi we insulinning sewiyesini kontrol qilishqa paydiliqtur.

        arilap - arilap roza tutush

arilap-arilap roza tutush insulinning sewiyelirini töwenlitidu. shundaqtimu, bu hemme kishige mas kelmesliki mumkin.



مۇناسىۋەتلىك خەۋەرلەر