hamsi <anchous> béliqi

hamsining türkiyede alahide muhim béliq ikenlikini bilemsiz?

dunyaning herqaysi jayliridiki nurghun döletlerde tonulghan we tamaqliri étilidighan hamsi béliqi, türkiyening qaradéngiz rayonida alahide muhim orungha ige. türkiyede qaradéngiz déyilgen haman tunji bolup ademning köz aldigha kélidighini hamsi béliqi bolup, qaradéngiz xelqi üchün kem bolsa bolmaydighan uzuqluq menbesidur. gerche hamsi béliqi dunyaning herqaysi jaylirida owlinidighan bolsimu, emma qaradéngizdikige oxshash yerlik xelqning turmushi bilen bir gewdiliship kételmigen. hamsi qaradéngiz rayonida béliqchilarning asasliq kirim menbesi bolupla qalmay, yene simwolidur. bolupmu déngiz boyi rayonlirida yashaydighan qaradéngizliqlar, söygü, ghezep – nepret, hijran  mezmun qilinidighan naxshilarda, maqal-temsilerde, jédel – majiralarda, yeni kündilik hayatning hemme terepliride dégüdek hamsi béliqini ishlitidu. hamsi béliqi, qaradéngiz xelqining hayatidiki muzikikidin edebiyatqiche, folklordin siyasetkiche, iqtisadtin tenterbiyegiche bolghan sahelerde bir ilham menbesidur.

sherqiy qaradéngiz rayonida, öktebirning ikkinchi heptisi, béliqchilar dua we nezir - chiragh qilghandin kéyin, déngiz boyigha baridu. gerche türkiyening herqaysi rayonlirida yaqturup istémal qilinsimu, emma qaradéngiz taamliri we medeniyitining özgermes bir qismi süpitide hamsi béliqi taamlirining köpinchisi yenila bu rayonda étilidu. hamsi kawipi, hamsi polusi, hamsi shorpisi, hamsi köftisi, hamsiliq salat,  hamsi pidesi, hamsi zaghra néni, hamsiliq mayliq bolka qatarliqlar bu xil yémekliklerning bir qismi hésablinidu. yémek sirtida hamsi sütlach, hamsiliq baqlawa, hetta hamsi murabbasimu bar.

 qaradéngiz medeniyitide, toy qilish yéshigha toshqan qizlarningmu choqum hamsi polusi étishini bilishi kütülidu.

qisqisi, türkiyede hamsi üchün özi kichik, emma medeniyiti chong, déyishimiz mumkin.