awaz pütüp  qélish késilini tebiiy dawalash usulliri

(doktor mehmet uchar)

awaz pütüp  qélish késilini tebiiy dawalash usulliri töwendikiche:

tuz süyi

eger awaz pütüp  qélish gal aghriqi bilen bille körülse, bu galning ghidiqlinip qalghanliqidin dérek béridu. aghriqliq we ghidiqlinip qalghan gal we awaz pütüp  qélish késili üchün, issiq tuz süyi bilen gharghara qilish ünümlüktur. bu meqsette, 1 istakan ilman sugha yérim chay qoshuqi tuz sélip,  gharghara qilish üchün éritme teyyarlinidu. bu éritmidin yutumlap élip, taki aghriq peseygenge qeder gharghara qilinidu.

tuzluq we karbonatliq su bilenmu  gharghara qilish mumkin. eger gal aghriqi yénik qizirishtin, yeni addiy ghidiqlinishtin kélip chiqqan bolsa, siz tuzluq we karbonatliq su bilen gharghara qilishni dawamlashtursingiz bolidu. chünki bu ünümlük dawalash usulidur.

samsaq

künige 1-2 chish samsaq yéyip bérish arqiliq qisqa waqit ichide ünüm hasil qilghili bolidu.

échinaséye chéyi

échinaséye chéyimu awaz pütüp qélishqa paydiliqtur. lékin, échinaséye küchlük ösümlük bolghachqa, künige 1 yaki 2 istakandin artuq échinaséye chéyi ichish tewsiye qilinmaydu.

sümürülgen hawani nemleshtürüsh

quruq hawadin nepeslinish galni ghidiqlap, awaz yolining yallughlinishini keltürüp chiqiridu. bu ehwal bolupmu qish peslide köp uchraydu. radiyatorgha höl löngge ésish, yaki par mashinisi ishlitish, hawani nemleshtüridu. nem hawa belghemni shalanglitip, galdiki ghidiqlinishni saqaytidu. issiq suda yuyunushmu galni nemleshtürüp, awaz pütüp qélishni saqaytishqa paydiliqtur.

zenjiwil yiltizi

zenjiwil, kanay yallughi keltürüp chiqarghan quruq yötel we awaz pütüp qélishni dawalash üchünmu ishlitilidu. zenjiwilni inchike toghrap, méwe süyi bilen qoshup ichsingiz bolidu. yaki postini soyup, inchike toghrighandin kéyin, qaynaq suda demlep, «zenjiwil chéyi» süpitide istémal qilsingizmu bolidu.

uni hesel bilen tatliq qilish arqiliqmu istémal qilishqa bolidu.

zenjiwil chéyi ichsingiz bolidu.

zenjiwilni chorba we tamaqliringizgha arilashturup istémal qilsingizmu bolidu.

qowzaqdarchin chéyi

bir nechche tal qowzaqdarchinni qaynawatqan bir istakan qaynaq sugha tashlap, töwen otta 5-6 minut qayniting. otni öchürüp, bir az demleng. andin, süzüp, bir qoshuq hesel arilashturup, iching. bu arilashmini uda bir hepte dawamlashtursingiz bolidu.

belghem shalanglitish tablétkilirini ishlitish

tablétkilar galni nemlendürüp, aghriqni peseytidu we yötelni azaytidu. hesellik, limonluq yéshil chay yaki échinaséyeni öz ichige alghan tablétkilarmu awaz pütüp qélishqa paydiliqtur.

hesel

hesel hem gal aghriqi hem awaz pütüp qélishqa paydiliqtur. her küni bir qoshuq hesel istémal qilsingiz bolidu, pikosqa oxshighan ösümlük chayliringizni hesel bilen arilashturup ichsingizmu bolidu. bu arqiliq gélingizni nem halette tutalaysiz. bir istakan ilman sugha hesel we qarimuchni sélip ichishmu paydiliqtur.

belizgül chéyi

ghidiqlanghan gal we awaz pütüp qélish üchün belizgül chéyi paydiliqtur. derweqe, belizgül chéyi galni tinchlandurup, yötelni azaytidu we awaz pütüp qélishni yoqitidu. belizgül chéyigha hesel qoshqilimu bolidu.

    alma sirkisi

awaz pütüp qélishni azaytish üchün, bir istakan sugha 1 qoshuq organik alma sirkisi we 1 chay qoshuqi hesel ilawe qilip, ichsingiz bolidu. alma sirkisi bilen gharghara qilsingizmu bolidu.

lachindane

zukam we bash aghriqi qatarliq késellikler sewebidin pütüp qalghan awazni échish üchün uruqluq lachindane istémal qiling.

turup

chong bir qizil turupni yangaq chongluqida oyung. oyuqning ichige 1.5 hesel qoshuqi heselni sélip, 24 saet qoyup qoyung. andin, texsining astigha aqqan suyuqluqni her üch saette az - azdin istémal qiling.

kerepshe

kerepsheni yaxshi ssoqup, süt bilen arilashturup iching.

yésiwilek

yésiwilekning bir nechche yopurmiqini azraq suda qayniting. yésiwilek sherbitige azraq shéker qoshup, uni sherbetke aylandurghandin kéyin, istémal qiling.

limon

yérim limonni siqip, uning shirnisini chiqiring. limon süyini bir istakan qaynaq sugha arilashturghan we bir qoshuq hesel ilawe qilghandin kéyin, iching.

awaz yolini tinchlandurush

bimarlarning qilishigha tégishlik ishlar qanchilik muhim bolsa, ularning qilmasliqigha tégishlik bolghan ishlarmu shunchilik muhimdur. bek köp we yuqiri awazda sözleshtin saqlinish kérek. xizmiti sewebidin sözleshke mejbur kishiler mikrofon we yangratqu qatarliq üskünilerni ishlitishi kérek.

• kéchiliri heddidin ziyade bir nerse yémeng, kislataliq ichimliklerdin saqlining hemde égiz yastuqta uxlashqa diqqet qiling.
• yémekliklerni obdan chaynap, andin yutung.
• achchiq – chüchük we dora - dermanliq yémekliklerdin perhiz qiling.