zawahiri ölgendin kéyinki elqaide

küntertip we analiz (50)

1866973
zawahiri ölgendin kéyinki elqaide

zawahiri ölgendin kéyinki elqaide

küntertip we analiz (50)

(murat yéshil tash)

hörmetlik radiyo anglighuchilar! «küntertip we analiz» namliq pirogrammimizning bügünki bölümide siyaset, iqtisad we jemiyet tetqiqatliri fondi jemiyiti «SETA» ning diréktori shundaqla yazghuchisi dotsént doktor murat yéshil tash teripidin teyyarlanghan «zawahiri ölgendin kéyinki elqaide» témiliq analizni diqqitinglargha sunimiz.

**** ****** ***** ****** ****

amérika istixbarat teshkilatining afghanistanning paytexti kabulda elqaide rehbiri zawahirini biterep qilghanliqi aldinqi heptening muhim témiliridin biri boldi. bu mesile 11-séntebirdiki hujum we amérika élan qilghan yer shari xaraktérliq térorluqqa qarshi küreshke munasiwetlik halda munazire qilindi. emma bu témini oxshimighan jehetlerdin analiz qilish we zawahiri dairiside konkrétlashturush, uning abstrakt teripi we arqa körünüshi bilen birleshtürüsh kérek.

elqaidening hazirmu aktip yaki emesliki dairiside, zawahirigha qilinghan hujumning teshkilatqa zerbe bergenlikini perez qilish xata bolushi mumkin. dinni menbe qilghan halda inawetlik halgha kelgen idiologiyelerni shexslerdinmu bek, pikriy asasliri bilen chüshünüsh lazim. ilgiri dindin ozuqlanghan térrorluqni zarqawi, binladin, baghdadi yaki qüreyshining öltürülüshi bilen axirlashturghili bolmidi. undaqta zawahirining yoq qilinishimu bashqiche bir ehwal peyda qilmisa kérek.

11-séntebirdiki hujumdin kéyin elqaidening özini arqa pilangha chékishi, ijraiye teshkilati bolushtinmu bekrek pikriy kéngiyish istratégiyisini yolgha qoyishi diqqet qilishqa erziydu. bu dairide qollighuchi, yétekliguchi we bashqurghuchi bir ang bilen oxshash bolmighan radikal yüzlinishlerni maslashturush rolini oynap kelmekte. elqaide teshkilati 11-séntebir weqesidin qolgha keltürgen psixologiyilik orni bilen bashqa radikal teshkilatlargha ilham bergen bolup, özini pikri menbe salahiyitige ige qilmaqta. bashqiche éytqanda, öz-ara pikri toqunushi bolghan we asan ayrilidighan heriketlerge asasliq meqsitini eslitidighan tüske kirmekte.

elqaidening kelgüsige munasiwetlik bir qanche oxshimighan amil bar. bulardin birsi؛ emdiki rehber bolghuchining qollinidighan usulidur. misirning sabiq alahide qisim xadimi we teshkilatning herbiy herikitige rehberlik qilghan seyf el adl tetqiqatchilar, amérika emeldarliri we birleshken döletler teshkilati (b d t) ning doklatidimu kéyinki rehber süpitide tilgha élinmaqta. amérika tashqi ishlar ministirliqining izdep tutush tizimlikige zawahirining ornigha adlni qoyishigha qarita elqaidening süriyede turushluq qollighuchilirining télégramma qaniallirida, seyf el adlning hazir iranda tutup turuluwatqanliqi heqqidiki uchurliri bashqa bir rehberning nezerde tutulishi kéreklikini teqezza qilmaqta.

yene bir ism bolsa, b d t doklatida üchinchi rettte orun alghan zawahirining küyoghli shundaqla elqaide teshkilatining afghanistan-pakistan emiri we axbarat orginining mudiri abduraxman el meghribi depmu bilinidighan muhemmed abbataydur.

ikkinchi amil bolsa talibandur. taliban herikitining afghanistandiki bashqa guruppilarni kontrolluq astida tutup turiwatqanliqi melum. eymen ez zawahirining eksiche, yéngi rehberning yawropa we amérika qiteliri bilen birlikte ularning yéqin etraptiki jughrapiyilik ornlirini hujum nishani qilishi küchlük éhtimalliqqa ige. bu éhtimalning emelge éshishi bolsa, yéngi rehberning eymen ezzewahirining intiqamini élish üchün amérikiliqlargha qarshi shiddetlik we téz inkas qayturushqa seweb bolidighan herbiy siyasetni yolgha qoyush yaki musulmanlar yashaydighan jughrapiyede uzun muddet turush we mewjutluqlirini afghanistan-pakistan rayonida bixeter sharaitqa ige qilish arzusi bilen munasiwetliktur.


خەتكۈچ: #küntertip we analiz

مۇناسىۋەتلىك خەۋەرلەر