бир аллаһқа ибадәт қилиңлар

ахирәт күнидин қорқуңлар, йәр йүзидә бузғунчилиқ қилип питнә ـ пасат теримаңлар.

1866930
бир аллаһқа ибадәт қилиңлар

бир аллаһқа ибадәт қилиңлар

түркийә авази радийоси: әнкәбут сүриси, 29  - 36  - айәтләр. силәр һәқиқәтән ливатә қиламсиләр? йолларни тосуп булаңчилиқ қиламсиләр? сорунлириңларда опочуқ йаман ишларни қиливерәмсиләр?» униң қәвминиң җаваби: «әгәр сән растчиллардин болсаң, бизгә аллаһниң азабини кәлтүргин» дейиштинла ибарәт болди[29]. лут: «пәрвәрдигарим! бузғунчи қәвмгә қарши маңа йардәм бәргин (йәни уларни һалак қилип маңа йардәм бәргин, улар бузғунчи әхмәқләр болуп, уларниң түзилиши үмид қилинмайду, улар гумраһлиққа, бузуқчилиққа чөмүп кәткән)» деди[30]. әлчилиримиз (йәни пәриштиләр) ибраһимға (пәрзәнт берилиштин ибарәт) хуш хәвәр елип кәлгән чағда, улар: «биз бу шәһәр аһалисини чоқум һалак қилимиз, униң аһалиси һәқиқәтән залим иди» деди[31]. ибраһим: «у шәһәрдә лут барғу (йәни лутқа охшаш бир йахши пәйғәмбәр туруватқан шәһәр аһалисини қандақму һалак қилисиләр?)» деди. пәриштиләр ейтти: «бу шәһәрдә бар кишиләрни биз (йәни лутни вә униңға әгәшкән мөминләрни) обдан билимиз, уни вә униң айалидин башқа кишилирини әлвәттә қутулдуримиз, пәқәт айали (куфрида қәвмигә һәмнәпәс болғанлиқи үчүн) қелип һалак болғучилардин болиду»[32]. бизниң әлчилиримиз лутқа кәлгән чағда, лут уларни қоғдап қалалмайдиғанлиқидин әнсирәп қайғурди вә йүрики сиқилди, улар ейтти: «сән қорқмиғин вә қайғурмиғин, биз чоқум сени вә айалиңдин бөләк кишилириңни чоқум қутулдуримиз, пәқәт у қелип һалак болғучилардин болиду»[33]. бу шәһәрниң аһалиси аллаһниң итаитидин чиққанлиқлири үчүн, уларға биз чоқум асмандин азаб чүшүримиз[34]. чүшүнидиған қәвм үчүн (ибрәт қилип) униңдин (йәни шәһәр харабисиниң излиридин) рошән нишанни һәқиқәтән қалдурдуқ[35]. мәдйән (аһалисигә) уларниң қериндиши шуәйбни (пәйғәмбәр қилип әвәттуқ), шуәйб: «и қәвмим! бир аллаһқа ибадәт қилиңлар, ахирәт күнидин қорқуңлар, йәр йүзидә бузғунчилиқ қилип питнә ـ пасат теримаңлар» деди[36].



مۇناسىۋەتلىك خەۋەرلەر