nesirdin ependini xatirilesh paaliyetliri

türkiyening dunyagha dangliq meshhur letipe qehrimani nesirdin ependi üchün uda 63 yildin buyan  ötküzülüwatqan bir féstiwalning barliqini bilemsiz?

 türk medeniyitidiki eng muhim shexslerdin biri bolghan nesrdin ependini xatirilesh üchün , her yili iyul éyida konya wilayitining aqshehir nahiyeside nesirdin ependini xatirilesh paaliyetliri ötküzülidu. tunji qétim  1959-yili 21 – iyun küni ötküzülgen bu féstiwal, türkiyediki tarixi eng uzun féstiwallardin biri hésablinidu.

13-esirde yashap ötken türkiy xelqlerning danishmini bolghan nesirdin ependi, ötmüshtiki ewladlar bilen kelgüsi ewladlarni özara bir gewdileshtürgen özgiche ötkür zéhni bilen tonulghan. nesirdin ependi, köldürüwétipmu chongqur oygha salidighan letipiliri, kölge xémirturuch oghrilishi, rengdar  we dana mijez – xaraktéri, éshiki, sellisi we toni bilen, balqan rayonidin ottura asiyaghiche pütkül insaniyetke dostluq, tinchliq we keng qorsaqliq signallirini yetküzüsh arqiliq yüz milyonlighan kishilerning qelbi we zéhnidin alahide orun alghan.

her yili 5-iyuldin 10-iyulghiche nesirdin ependini xatirilesh üchün ötküzülidighan bu paaliyetler, 1973-yildin bashlap dunyadiki nurghun döletlerdin kelgen ilim-pen, senet we edebiyat ehlilirini bir yerge jem qilidighan xelqaraliq medeniyet paaliyitige aylandi. 5 – iyul küni nesirdin ependining obrazining qebrisidin oyghinishi we aqshehir kochilirida aylinishi bilen bashlinidighan féstiwal, kéyinche aqshehir kölige xémirturuch oghrilash bilen dawamlishidu.

uda 6 kün dawamnlishidighan féstiwal mezgilide, konsért, tiyatir, körgezme, kitabqa imza qoyush we ochuq yighin qatarliq paaliyetler ötküzülidu.