музей - меһманхана

истанбулдики пера ​​палас меһманханисиниңму  музей салаһийитигә игә икәнликини биләмсиз?

тәхминән 130 йилдин буйан истанбулниң әң гүзәл булуңидин орун елип келиватқан вә гойа тарихқа дуел елан қиливатқан пера ​​палас меһманханиси, даңлиқ меһманлириға аит әслимиләр билән толуп ташқан болғачқа,  музей - меһманхана салаһийитигә игә.

пера палас меһманханиси нурғун тарихий шәхсләрниң истанбулдики туралғуси болуш билән бир вақитта, нурғунлиған тарихий вәқәләргиму шаһит болди. мустапа камал ататүрк, 1917-йилдин башлап көп қетим пера ​​ палас меһманханисида туруп, йуқири дәриҗилик меһманлирини күтүвалған. у турған 101- номурлуқ йатақ, униң туғулғанлиқиниң 100 – йиллиқида музейға айландурулди. ататүрк әң йақтуридиған рәңләр билән безәлгән һуҗрида, униң шәхсий буйумлири, кимартуқ содисидин сетивелинған китаблири, журналлири, имзалиқ фото сүрәтлири вә орденлири қатарлиқ йадикарлиқлар көргәзмә қилинмақта.

пера палас меһманханиси, тарихтин буйан истанбулни зийарәт қилған чәт әл дөләт әрбаблири, сийасийонлар вә сәнәткарларниң таллиши болуп кәлгән. пера палас меһманханисида әң көп турған шәхсләрдин  бири болған агата кристи, бүгүнки күндиму оқурмәнлири йақтуруп оқуйдиған нурғун даңлиқ романлирини мушу меһманханида йазған. аптор даим турған 411-номурлуқ һуҗриму бүгүнки күндә музей сүпитидә зийарәт қилинмақта. паал қуналғу мулазимити билән тәминләйдиған бу меһманханида йәнә, әтиргүл пуриқи вә йипәкләр билән безәлгән Greta Garbo йүрүшлүк өйи, хемиңвай китаблири билән безәлгән Ernest Hemingway йүрүшлүк өйи, хәлиҗ вә Pierre Loti мәнзирилик йүрүшлүк өйи, зийарәтчилиригә җәзбидарлиқ һаләттә тарихқа сәйлә қилиш мулазимити суниду.