péra palas méhmanxanisi
biliwéling - 40
péra palas méhmanxanisi
istanbulning tarixiy péra palas méhmanxanisining dangliq sherq téz poyizi üchün yasalghanliqini bilemsiz?
1888-yili parizhdin yolgha chiqip, 80 saetlik seperdin kéyin istanbulgha kelgen heshemetlik sherq téz poyizining yoluchiliri yuqiri derijilik byurokratlar, senetkarlar we aqsöngekler idi. poyizning serxil yoluchiliri istanbulgha kelgende, ela süpetlik mulazimiti yaxshi aliy méhmanxanilarda turushni könglige pükkenidi, emma istanbulda bundaq méhmanxana yoq idi. bu boshluqni toldurush üchün, péra palas méhmanxanisi qurulushi 1892-yili bashlandi we üch yilda tamamlandi.
bu méhmanxana istanbulning medeniyet we ijtimaiy paaliyetler köp bolghan, «kichik yawropa» dep teswirlinidighan beyoghluning tepebashi rayonigha jaylashqan. istanbuldiki eng heywetlik binalarning biri we türkiyening yawropa ölchimidiki tunji méhmanxanisi bolghan péra palas, 1895-yili xizmetke kirishtürülgen. bu méhmanxana yene istanbuldiki osmanli impériyesi saraylirining sirtida tok bilen teminlengen tunji lifit we issiq sugha ige tunji bina hésablinidu.
birinchi dunya urushidin buyan istanbulda nurghunlighan muhim weqelerge shahit bolghan péra palas, peqet türkiyedila emes, xelqaraliq munberlerdimu nahayiti muhim simwol – bina alahidilikige ige.
