éghiz boshluqi yarisi we éghiz aghriqlirini tebiiy  dawalash usulliri

(doktor mehmet uchar)

éghiz boshluqi yarisi aghzimizda peyda bolghan toqulmilarning qalaymiqanlishishi bolup, bu toqulmilarning shekillinishide bir qanche seweb bardur.

1 - éghiz boshluqi taziliqigha yéterlik ehmiyet bérilmise we diqqet qilinmisa, éghiz boshluqi yarisi peyda bolidu. daim chish chotkilashtin bashqa, daim éghizni yuyush we kündüzi chayqashmu éghiz boshluqi saghlamliqingizni qoghdashqa yardem béridu. bolmisa, éghiz boshluqi yarisigha duch kélishingiz mumkin.

2 - bek issiq yaki bek soghuq ichimliklerni istémal qilghanda, éghiz boshluqi yarisini keltürüp chiqiridu.

3 - yuqumluq késelliklerge giriptar bolghiningizda, bedenning tirkishish küchining töwenlep kétishi sewebidin éghizda yara peyda bolushi mumkin.

4 - antibiyotik dorilarni uzun muddet we daim ishlitish éghiz aghriqlirini keltürüp chiqiridu.

5 - heddidin ziyade mayliq, qentlik, kislataliq yémekliklerni köp istémal qilish, qisqisi, saghlam uzuqlanmasliq, éghiz boshluqi yarisini keltürüp chiqiridu.

6 - bésim, rohiy chüshkünlük, heddidin ziyade endishe we teshwish qatarliq ehwallarmu éghiz boshluqi yarisini keltürüp chiqiridu.

éghiz boshluqi yarisi we éghiz aghriqlirini tebiiy dawalash usulliri töwendikiche:

• karbonat

qolni sopunlap yughandin kéyin, barmiqingizning uchi bilen karbonatni élip, éghiz boshluqingizdiki yarigha sürüng.

• alma sirkisi

bir chay qoshuqi alma sirkisini bir istakan sugha arilashturup, éritmisi bilen aghzingizni 30 sékunttin bir minutqiche chayqang. tükürgendin kéyin, sirkining chish émal maddisigha ziyan yetküzüshining aldini élish üchün, éghizingizni normal su bilen chayqang. éghizingizni alma sirkisi bilen künde peqet bir qétimla chayqang.

• sériqbuya

sériqbuya éghiz boshluqida shekillengen yallughlarni tazilash üchün ishlitilidu. sériqbuya chéyi teyyarlap, éghizingizni chayqisingiz bolidu.

• kiwi

kiwi oksidlinishqa qarshi turghuchi méwidur. éghiz boshluqida shekillengen ghidiqlinishni qisqa waqit ichide saqaytish üchün kiwini istémal qilsingiz bolidu.

• chöl reyhini

aghzingizgha bir hesel qoshuqi chöl reyhini élip, yutuwetmey chaynang.

• üjme

qara üjmini yéyish yaki süyini ichish weyaki yarigha sürtüsh ünümlüktur.

• qelempur

qelempur uruqini chaynash ünümlüktur.

• sink toluqlash

tömür, yopurmaq kislatasi, witamin B12 yaki sinkning kemlikimu éghiz aghriqlirini keltürüp chiqiridu. sink toluqlash dorisi istémal qilish arqiliq, éghiz aghriqlirini azaytip, immunitét küchingizni ashuralaysiz.

• kokus méyi

kokus méyi éghiz boshluqidiki bezi ziyanliq baktériyelerge qarshi küresh qilidu. bir qoshuq kokus méyi bilen éghiz chayqash, qedimki bir xil adet bolup, «may chayqash» depmu atilidu. bir tetqiqat netijisige qarighanda, kokus yéghi bilen künde éghiz chayqap bergende, chish déghini azaytqili we éghiz aghriqlirini dawalighili bolidiken.

• limon

daim limon süyi bilen éghiz chayqash, éghiz boshluqi yarisi we éghiz aghriqlirigha paydiliqtur.

• yawropa kerepshisi

yawropa kerepshisi yopurmaqlirini chaynash, éghiz boshluqi yarisini dawalashning eng yaxshi usulidur.

• béhi

bir tilim béhini éghiz boshluqi yarisigha bésip sürtüng. belkim bu uzundin béri siz izdiniwatqan eng yaxshi dawalash usuli bolushi mumkin.

• tuz süyi

éghizni tuz süyi bilen chayqash, éghiz aghriqlirini qurutushqa yardem béridu. yérim istakan ilman suda bir chay qoshuqi daimliq öy tuzini éritip, tükürüshtin burun éritmini 15 sékuntin 30 sékuntqiche éghingizning ichide aylandurung. zörür tépilghanda, her bir qanche saette bir qétim tuz süyi bilen chayqashni dawamlashtursingiz bolidu.

• qelempur yéghi

éghiz aghriqliri bek qattiq bolushi mumkin. qelempur yéghining éghiz aghriqlirini peseytidighanliqi bilinmekte. qelempur, tarixta chish aghriqini dawalashta ishlitilgen. élan qilinghan bir tetqiqat  netijisige qarighanda, qelempur yéghidin yasalghan ösümlük éghiz gélini éghizning ghidiqlanghan yérige sürgende aghriqni azaytqili bolidiken.

• sumak

 matériyallar:

1 qoshuq sumak

1 hesel qoshuqi organik alma sirkisi

1 istakan su

qandaq teyyarlinidu?

suni qazanda qaynitishqa bashlang.

su qaynighandin kéyin, sumakni sélip, yene 2-3 minut qayniting.

arilashmini sowughandin kéyin, ichige sirke ilawe qilip, arilashturung.

arilashma sowughandin kéyin, süzüng we uning bilen éghizingizni chayqang.