süriyege yéngi herbiy heriket

süriyege yéngi heribiy heriket

küntertip we analiz (39)

(jan ajun)

hörmetlik radiyo anglighuchilar! «küntertip we analiz» namliq pirogrammimizning bügünki bölümide siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «süriyege yéngi herbiy heriket» témiliq analizni diqqitinglargha sunimiz.

***** ** **** *** *** ****

jumhur reis erdoghan ammigha qilghan eng yéngi xitabida, süriyening shimaligha qarita élip bérilidighan yéngi bir herbiy heriketing signalini berdi. erdoghan rayondin türkiyege qarita térorluq tehditlirining dawamlishiwatqanliqini we chégra liniyeside 32 kilomitir chongqurluqta bixeter rayon berpa qilish üchün p k k/y p g térorluq teshkilatini nuqtiliq hujum nishani qilidighan yéngi bir herbiy heriketining bashlinidighanliqini otturigha qoydi. ukraina urushi keltürüp chiqarghan yéngi géopolitikiliq tenglime türkiyening térorluqqa qarshi kürishige nisbeten yéngi pursetlerni yaratqan weziyette turmaqta.  

derweqe türkiye dölet bixeterlikige tehdit shekillendüridighan süriye menbelik térorluqqa qarshi köp qétim chong herbiy heriketlerni élip bardi. birinchi qétim 2016-yili firat qalqini herikitini bashlap, daésh we p k k térorluq teshkilatlirini birla waqitta teng hujum nishani qildi. andin afringha zeytun shéxi herikitini we axirida firat deryasining sherqide tinchliq bahari herikitini élip bardi.  bu heriketler arqiliq térorluq teshkilati p k k/y p g ning ottura déngizgha yétip bérish yolini kesti we térorluq döliti qurush urunishini yoqqa chiqardi.

térrorluq teshkilati hazirmu süriyede mewjutluqini saqlap kelmekte. bolupmu firat deryasining gherbidiki tél rifat we menbichte rusiye we beshshar esed hakimiyitining qoghdishi astida heriket qilmaqta. firatning sherqide bolsa, asasen dégüdek amérikining qoghdishida turmaqta. p k k/y p g ning «shimaliy we sherqiy süriye aptonomiye hökümiti» namida emeliy aptonomiyilik rayon berpa qilip amérika shundaqla her qaysi gherb döletlirining qollishi bilen raqqe we deyrézzorni öz ichige alidighan shekilde siyasiy we qanuniy asasta étirap qilinghan aptonomiyelik qurulmigha aylinishqa urunmaqta. lékin türkiyening bundaq sewenlikke yol qoyush niyiti yoq.

jumhur reis erdoghan xelqqe qilghan axiriqi bayanatida, süriyening shimaligha yéngi bir herbiy heriket bashlaydighanliqidin signal berdi. erdoghan rayondin türkiyege qarita térorluq tehditlirining dawamlishiwatqanliqini we chégra liniyiside 32 kilomitir chongqurluqta bixeter rayon berpa qilish üchün p k k/y p g térorluq teshkilatini nuqtiliq hujum nishani qilidighan yéngi bir herbiy heriketining élip bérilidighanliqini otturigha qoydi. ukraina urushi keltürüp chiqarghan yéngi géopolitikiliq tenglime türkiyening térorluqqa qarshi kürishige nisbeten yéngi pursetlerni yaratqan weziyette turmaqta.

 bolupmu rosiye qisimlirining süriyedin tedriji halda chékinishni bashlishi we amérikaning ukraina urushigha merkezlishishi, türkiyening heriket sahesini kéngeytmekte. zörür bolghan eshya oboroti teyyarlanghandin kéyin, türkiye qoralliq qisimliri meshiq qildurup qorallandurghan süriye milliy armiyesi bilen birlikte yuqirida tilgha élinghan rayonlargha keng kölemlik herbiy heriket teshkillishi waqit mesilisi bolup qalghandek qilidu.