муса әләйһиссалам отниң йениға келип, униң от әмәс, нур икәнликини билди

мубарәк җайдики дәрәх тәрәптин (мундақ) нида аңланди: «и муса, (саңа сөз қиливатқан) мән, һәқиқәтән, аләмләрниң пәрвәрдигари аллаһтурмән.

1829920
муса әләйһиссалам отниң йениға келип, униң от әмәс, нур икәнликини билди

муса әләйһиссалам отниң йениға келип, униң от әмәс, нур икәнликини билди

түркийә авази радийоси: қәсәс сүриси, 29 - 35 айәтләр. муса (өзара келишкән) муддәтни (йәни келишкән муддәтниң толуқрақи болған он йилни) тошқузғандин кейин айалини елип (мисирға қарап) йолға чиқти, у тур теғи тәрипидә от көрди, у айалиға: «шүбһисизки, мән (йирақтин) от көрдүм, у йәрдин мән силәргә бир хәвәр елип келәй, йа силәрниң иссинишиңлар үчүн оттин бир парчә чоғ елип келәй» деди (муса әләйһиссалам отниң йениға келип, униң от әмәс, нур икәнликини билди)[29]. муса отниң йениға кәлгәндә вадиниң оң тәрипиниң гирвикигә тоғра келидиған мубарәк җайдики дәрәх тәрәптин (мундақ) нида аңланди: «и муса, (саңа сөз қиливатқан) мән, һәқиқәтән, аләмләрниң пәрвәрдигари аллаһтурмән[30]. сән һасаңни ташлиғин». муса һасисиниң гойа әҗдиһадәк тез һәрикәтлиниватқанлиқини көргәндә арқисиға бурулуп қачти, кәйнигә қаримиди, (нида қилиндики) «и муса! алдиңға маңғин, қорқмиғин, сән һәқиқәтән (қорқунчтин) әмин болғучилардинсән[31]. қолуңни қойнуңға салғин, у һечқандақ илләтсиз (бир парчә айдәк парлап) апақ болуп чиқиду, қорқунчни дәпи қилиш үчүн, қолуңни йиғивалғин (йәни қойнуңға селивалғин), бу иккиси пирәвнгә (вә униң қәвминиң) чоңлириға пәрвәрдигариң тәрипидин кәлгән пакиттур, улар һәқиқәтән (бизниң итаитимиздин чиққучи) пасиқ қәвм иди»[32]. муса ейтти: «пәрвәрдигарим! мән һәқиқәтән улардин бир адәмни өлтүрүп қойдум, шуниң үчүн уларниң мени өлтүрүшидин қорқимән[33]. қериндишим һарунниң тили мениңдин равандур, уни мән билән (пәйғәмбәрликимни) тәстиқлайдиған йардәмчи қилип әвәткин, мән һәқиқәтән уларниң мени инкар қилишидин қорқимән»[34]. аллаһ ейтти: «қериндишиң арқилиқ сени күчәйтимиз, иккиңларни ғалиб қилимиз, шуниң үчүн улар иккиңларға зийанкәшлик қилалмайду, силәр иккиңлар вә иккиңларға әгәшкәнләр бизниң айәтлиримиз арқилиқ ғәлибә қилисиләр»[35]. 



مۇناسىۋەتلىك خەۋەرلەر