yaxshi - süpetlik uxlashning tebiiy chare – tedbirliri

 (doktor mehmet uchar)

yaxshi - süpetlik uxlash we kün boyi kötürenggü rohluq bolushimizgha kapaletlik qilishning tebiiy chare – tedbirliri.

yaxshi - süpetlik uxlash we kün boyi kötürenggü rohluq bolushimizgha kapaletlik qilishning tebiiy chare – tedbirliri töwendikiche:

rozémariye:

 GABA A qobullighuchni ghidiqlash arqiliq uyquni qozghaydu. chéyini ichishke bolidu.

• sumbul

tetqiqatlar netijiside, sumbulning yiltizining uxlashqa yardimi bolidighanliqi ispatlandi.

• ademgiyah:

bolupmu koréye qizil ademgiyahi omumiy uxlash waqtini uzartidu. buningdin bashqa yene,  ademgiyah uyqu-oyghaqliq waqtini tengsheydu, dep qarilidu.

• méhray oti

bu ösümlükning yénik tinchlandurush roli bar.

• binepshe gül méyi:

uxlashtin 30 minut burun binepshe gül méyini purash arqiliq hem uyqu süpitini yaxshilighili hem uyqusizliqni azaytqili bolidu.

• lippiye chatqili chéyi

lippiye chatqilining ötkür puriqi we temi sayisida chay temlik bolidu we temkinlikni qozghaydu. bésimni yenggillitish we muskullarni boshitish roligha ige lippiye chatqili, uyqugha kétishni qolaylashturidu.

• kawa qarimuchi:

tinch okyanda ösidighan bir xil qarimuch bolup, GABA A qobullighuchni ghidiqlash arqiliq uyquni qozghaydu. ösümlük yiltizida köp uchraydighan bu maddilarni diqqet bilen ishlitish kérek , chünki bu maddilar jigerge ziyan yetküzidu.

• lawangül:

lawangülning uchushchan méyi we süyining puriqi, GABA arqiliq uxlash waqtini uzartidu, uyqu qalaymiqanlishishning aldini alidu we téximu süpetlik uyqu bilen teminleydu.

lawangül uyquni qozghaydighan xush puraqliq ösümlüklerdin biri bolghanliqi üchün, uyquni qozghashta ishlitilidighan ösümlüklerning béshida kélidu. tetqiqatlar shuni ispatlidiki, uxlashtin 30 minut burun lawangül méyini purash uyqu süpitige aktip tesir körsitidu. lawangül bolupmu yénik derijidiki uyqusizliqqa giriptar bolghuchilar, yashlar we ayallarning ishlitishige bab kélidighan tesiri küchlük uyqu qozghatquchidur.

lawangülning özige oxshash, uning chéyimu tatliq hem yéniktur. chayning ichide demlengen lawangül, uxlashtin burun tinchlinishingiz we tatliq uyqugha kétishingizge yardem béridu. qattiq hérip - charchashliq bir kündin kéyin, bir istakan lawangül chéyi ichip bergende, hem muskulliringizni boshitidu, hemde sizni yaxshi - süpetlik uxlashqa teyyarlaydu.

• pinne chéyi

uxlashtin burun bir istakan pinne chéyi ichish, bolupmu ashqazan késilige giriptar bolghanliqi seweblik yaxshi uxliyalmaydighanlargha köp paydisi bar. pinnening ashqazanni aram aldurush roli qayta qozghilish qatarliq ashqazan aghriqlirini azaytip, uxlashni qolaylashturidu.

• yéshil chay

oksidlinishqa qarshi turghuchi maddilar bilen tolup tashqan bu chay, tinchlinishingizgha yardem béridu.

• belizgül chéyi:

uda 2 hepte  belizgül chéyi istémal qilghanda, uyqu süpitini östürüp, keypiyatni yaxshilaydu.

dunyadiki eng köp uyqugha yardem béridighan chaylardin biri bolghan belizgül chéyini hemme adem asasen dégüdek bilidu. tinichlandurush roli sayisida, uxlashtin burun belizgül chéyi istémal qilghanda, hem teshwishlinishni, hem bésimni peseytidu, shundaqla, chongqur we saghlam uxlashqa yardem béridu.

• magnoliye posti chéyi

magnoliye chéyini tinchlandurush we téximu rahet uxlash üchün istémal qilishqa bolidu. magnoliye uyqugha kétish waqtini qisqartip, téximu uzun we téximu chongqur uxlashqa yardem béridu.

• magniy

magniy zéhin we bedenni tinchlandurushqa yardem bérip, uyqugha kétishni qolaylashturidu. tetqiqatlar shuni ispatlap berdiki, magniyning aram tapquzush we tinichlandurush roli mélatonin dewrini yaxshilashqa yardem béridu, shuning bilen, melum tertip boyiche süpetlik uxlighili bolidu.

• badam

uxlashtin burun badam yéyishmu uyqu süpitini yuqiri kötürüshke paydiliq. badam terkibidiki mélatonin hormuni uyqugha kétishni qolaylashturidu, muskullarni boshitip, saghlam uxlashqa yardem béridu.

• kéchide kofféin istémal qilmang

uyqusizliq mesilisi bar kishiler uxlashtin 6 saet burun kofféin istémal qilishni toxtitishi kérek, chünki, shundaq qilghandila andin uyqusizliq mesilisini tügitkil bolidu.

• chéniqish

yaxshi uxlash üchün jismaniy jehettin aktip bir kün ötküzüsh intayin muhim. nurghun tetqiqatlar shuni ispatlidiki, künde kem dégende 60 minut chéniqidighan kishiler téximu yaxshi uxlaydu we bir künni kötürenggü rohluq halette ötküzidu.

• quyash nurini qoldin bérip qoymang

quyash nuri bediningizning tebiiy saitini tengshep, qachan harghinliq hés qilidighanliqingizni we qachan jushqun hés qilidighanliqingizni bilishke yardem béridu. bu sayida, beden qarangghu chüshkende mélatonin ajritip chiqirip, saghlam uxlash halitige kapaletlik qilidu.

• bésimgha taqabil turush

téximu chongqur we saghlam uxlash üchün bésimni kontrol qilish intayin muhim.

yataq öyning témpératurisi

eger öyning témpératurisi 20-25 gradustin yuqiri bolsa, uxlashta qiyinchiliq peyda qilidu.

• uxlashtin burun tamaq yémeng

uxlashtin burun  tamaq yéyish we bir nersilerni ichish, yérim kéchide uxlishingizgha awarichiliq élip kélidu.