yürek sanjiqini tebiiy dawalash usulliri

shipa buliqi - 26

1787053
yürek sanjiqini tebiiy dawalash usulliri

(doktor mehmet uchar)

yürek sanjiqi, bashqiche éytqanda, yürek muskuli tiqilmisi, oxshimighan sewebler tüpeylidin otturigha chiqidu. bolupmu jiddiy – rohiy bésimliq turmush kechüridighan nurghun kishiler yürek sanjiqi mesilisige duch kélidu.

yürek sanjiqini qozghaydighan amillardin yiraq turush, yürek sanjiqigha duch kélishtin saqlinish usulliridin biridur. yürek sanjiqini eng köp  qozghaydighan amillar töwendikiche:

• ish hayatidiki jiddiylik we bésim,

• heddidin ziyade jismaniy heriket,

• teshwishlinish,

• ussuzluq,

• yuqumluq késellikler,

• haraq we tamaka,

• imtihan bésimi,

• dora ichish.

eger siz özingizde yürek muskuli tiqilmisi (yürek sanjiqi) mesilisi barliqidin gumanlansingiz, aldi bilen choqum doxturgha körünüshingiz, zörür tekshürüshlerdin ötüshingiz we doxturning agahlandurushigha asasen dawalash jeryanini bashlishingiz kérek.

yürek sanjiqini azaytishqa qarita aram élish usulliri:

bésim ademning salametlikige nurghun paydisiz tesirlerni élip kélishi, yürek sanjiqlirini keltürüp chiqirishi, yaki mewjut yürek sanjiqini téximu yamanlashuruwétishi mumkin. bezi aram élish usulliri yürek sanjiqini azaytishqa yardem béridu. mesilen؛

•  xiyal sürüsh,

• nepes élish meshiqliri,

• yoga gumpisi,

• sirtta waqit ötküzüsh,

• chéniqish,

• sayahetke chiqish qatarliqlar.

• yürek sanjiqini dawalash üchün, aldi bilen, yürek sanjiqini keltürüp chiqiridighan amillarni tépish kérek. tamaka mehsulatliri, kofféinliq ichimlikler we bezi dorilar yürek sanjiqini keltürüp chiqiridighan seweblerning biridur. bu mehsulatlardin imkaniyetning bariche yiraq turush arqiliq yürek sanjiqini azaytish mumkin. lékin, yürek sanjiqini yürek késellikliridin biri keltürüp chiqarghan ehwallarda, bu usulllar ishqa yarimaydu.

• yürek sanjiqi birer yürek késelliki sewebidin  kélip chiqmighan ehwal astida, yürek sanjiqini bezi ösümlük we chaylar bilen yénikletkili bolidu.

yürek sanjiqini tebiiy dawalashta ishlitishke bolidighan ösümlük mehsulatliri töwendikiche:

• sumbul: bu ösümlükning eng roshen alahidiliki uning tinichlandurush rolidur. sumbulni demlep ichish, yürek sanjiqini peseytishke yardem béridu.

•pinne: bolupmu adettiki zukamni öz ichige alghan nurghun késelliklerge qarshi ishlitilidighan ösümlüktur. kündüzlük herqandaq tamaqta pinne istémal qilghanda, yürek sanjiqini körünerlik töwenlitidighanliqi bilinidu.

• chöl reyhini: yürek saghlamliqigha tesir körsiteleydighan ösümlüktur. her küni 1 hesel qoshuqi chöl reyhini istémal qilish arqiliq yürek sanjiqi we yürek késelliklirini yenggilletkili bolidu.

        yürek sanjiqi üchün tewsiye qilinidighan chaylar  töwendikiche:

• badrenjibuya we lawangül chayliri. badrenjibuya chéyi adette uyquda mesile bar kishilerge tewsiye qilinidighan ichimliktur. tinchlandurush we bésimni töwenlitish roligha ige bu chayning yürek sanjiqigha paydiliq ikenlikimu bilinidu. badrenjibuya chéyi bolupmu rohiy chüshkünlük sewebidin otturigha chiqidighan yürek sanjiqlirigha intayin paydiliqtur.

• lawangül chéyini daim ishlitip bérish arqiliq, derhal yürek sanjiqini azaytqili bolidu, dégen qarashmu bar.

• belizgül chéyinimu ishlitishke bolidu.

 

   ustiquddus  uchushchan méyi adette aromatik dawalashta ishlitilidu. uning nérwini tinichlandurush roli bar.

      yürek sanjiqini azaytishqa yardem béridighan yémeklikler töwendikiche:

bu yémekliklerning asasliqliri: pédigen, palek, sulu, reyhan, yawropa kerepshisi we darchin.

pédigenning bu basquchta pishurulmay, zeytun yéghi bilen birlikte istémal qilinishi tewsiye qilinidu.

yawropa kerepshisini xam yaki tamaqqa sélip istémal qilish arqiliq yürek sanjiqini azaytqili bolidu.

darchin yürek muskullirini ghidiqlash arqiliq yürek sanjiqini azaytidu. darchindin paydilinishni xalaydighanlarning, qowzaq darchinni biraz suda  turghuzushi yéterliktur.

yürek sanjiqining aldini élish üchün, terkibide magniy bar yémekliklerni istémal qilish kérek. palek bu yémekliklerdin biridur.

yürek muskullirini boshitidighan sulu, rétim qalaymiqanlishishni dawaliyalaydu. yémeklikliringiz bilen birlikte 1 qoshuq sulu istémal qilishqa ehmiyet bérishingiz kérek.

reyhan salat we makarnalargha ilawe qilinsa, yürek sanjiqini peseytidu.

dolana tomurlarning éqishigha kapaletlik qilidu. bu arqiliq yürek sanjiqining otturigha chiqishining aldini alghili bolidu.

bulardin bashqa, yürek sanjiqigha paydiliq bezi yémeklikler töwendikiche:

• samsaq,

• limon,

• piyaz,

• aq yésiwilek,

• üzüm apélsin,

•  gülboghun.



مۇناسىۋەتلىك خەۋەرلەر