йүрәк санҗиқини тәбиий давалаш усуллири

(доктор мәһмәт учар)

йүрәк санҗиқи, башқичә ейтқанда, йүрәк мускули тиқилмиси, охшимиған сәвәбләр түпәйлидин оттуриға чиқиду. болупму җиддий – роһий бесимлиқ турмуш кәчүридиған нурғун кишиләр йүрәк санҗиқи мәсилисигә дуч келиду.

йүрәк санҗиқини қозғайдиған амиллардин йирақ туруш, йүрәк санҗиқиға дуч келиштин сақлиниш усуллиридин биридур. йүрәк санҗиқини әң көп  қозғайдиған амиллар төвәндикичә:

• иш һайатидики җиддийлик вә бесим,

• һәддидин зийадә җисманий һәрикәт,

• тәшвишлиниш,

• уссузлуқ,

• йуқумлуқ кесәлликләр,

• һарақ вә тамака,

• имтиһан бесими,

• дора ичиш.

әгәр сиз өзиңиздә йүрәк мускули тиқилмиси (йүрәк санҗиқи) мәсилиси барлиқидин гуманлансиңиз, алди билән чоқум дохтурға көрүнүшиңиз, зөрүр тәкшүрүшләрдин өтүшиңиз вә дохтурниң агаһландурушиға асасән давалаш җәрйанини башлишиңиз керәк.

йүрәк санҗиқини азайтишқа қарита арам елиш усуллири:

бесим адәмниң саламәтликигә нурғун пайдисиз тәсирләрни елип келиши, йүрәк санҗиқлирини кәлтүрүп чиқириши, йаки мәвҗут йүрәк санҗиқини техиму йаманлашуруветиши мумкин. бәзи арам елиш усуллири йүрәк санҗиқини азайтишқа йардәм бериду. мәсилән؛

•  хийал сүрүш,

• нәпәс елиш мәшиқлири,

• йога гумписи,

• сиртта вақит өткүзүш,

• чениқиш,

• сайаһәткә чиқиш қатарлиқлар.

• йүрәк санҗиқини давалаш үчүн, алди билән, йүрәк санҗиқини кәлтүрүп чиқиридиған амилларни тепиш керәк. тамака мәһсулатлири, коффеинлиқ ичимликләр вә бәзи дорилар йүрәк санҗиқини кәлтүрүп чиқиридиған сәвәбләрниң биридур. бу мәһсулатлардин имканийәтниң баричә йирақ туруш арқилиқ йүрәк санҗиқини азайтиш мумкин. лекин, йүрәк санҗиқини йүрәк кесәлликлиридин бири кәлтүрүп чиқарған әһвалларда, бу усулллар ишқа йаримайду.

• йүрәк санҗиқи бирәр йүрәк кесәллики сәвәбидин  келип чиқмиған әһвал астида, йүрәк санҗиқини бәзи өсүмлүк вә чайлар билән йеникләткили болиду.

йүрәк санҗиқини тәбиий давалашта ишлитишкә болидиған өсүмлүк мәһсулатлири төвәндикичә:

• сумбул: бу өсүмлүкниң әң рошән алаһидилики униң тиничландуруш ролидур. сумбулни дәмләп ичиш, йүрәк санҗиқини пәсәйтишкә йардәм бериду.

•пиннә: болупму адәттики зукамни өз ичигә алған нурғун кесәлликләргә қарши ишлитилидиған өсүмлүктур. күндүзлүк һәрқандақ тамақта пиннә истемал қилғанда, йүрәк санҗиқини көрүнәрлик төвәнлитидиғанлиқи билиниду.

• чөл рәйһини: йүрәк сағламлиқиға тәсир көрситәләйдиған өсүмлүктур. һәр күни 1 һәсәл қошуқи чөл рәйһини истемал қилиш арқилиқ йүрәк санҗиқи вә йүрәк кесәлликлирини йәңгилләткили болиду.

        йүрәк санҗиқи үчүн тәвсийә қилинидиған чайлар  төвәндикичә:

• бадрәнҗибуйа вә лавангүл чайлири. бадрәнҗибуйа чейи адәттә уйқуда мәсилә бар кишиләргә тәвсийә қилинидиған ичимликтур. тинчландуруш вә бесимни төвәнлитиш ролиға игә бу чайниң йүрәк санҗиқиға пайдилиқ икәнликиму билиниду. бадрәнҗибуйа чейи болупму роһий чүшкүнлүк сәвәбидин оттуриға чиқидиған йүрәк санҗиқлириға интайин пайдилиқтур.

• лавангүл чейини даим ишлитип бериш арқилиқ, дәрһал йүрәк санҗиқини азайтқили болиду, дегән қарашму бар.

• бәлизгүл чейиниму ишлитишкә болиду.

   устиқуддус  учушчан мейи адәттә ароматик давалашта ишлитилиду. униң нервини тиничландуруш роли бар.

      йүрәк санҗиқини азайтишқа йардәм беридиған йемәкликләр төвәндикичә:

бу йемәкликләрниң асаслиқлири: педигән, паләк, сулу, рәйһан, йавропа кәрәпшиси вә дарчин.

педигәнниң бу басқучта пишурулмай, зәйтун йеғи билән бирликтә истемал қилиниши тәвсийә қилиниду.

йавропа кәрәпшисини хам йаки тамаққа селип истемал қилиш арқилиқ йүрәк санҗиқини азайтқили болиду.

дарчин йүрәк мускуллирини ғидиқлаш арқилиқ йүрәк санҗиқини азайтиду. дарчиндин пайдилинишни халайдиғанларниң, қовзақ дарчинни бираз суда  турғузуши йетәрликтур.

йүрәк санҗиқиниң алдини елиш үчүн, тәркибидә магний бар йемәкликләрни истемал қилиш керәк. паләк бу йемәкликләрдин биридур.

йүрәк мускуллирини бошитидиған сулу, ретим қалаймиқанлишишни давалийалайду. йемәкликлириңиз билән бирликтә 1 қошуқ сулу истемал қилишқа әһмийәт беришиңиз керәк.

рәйһан салат вә макарналарға илавә қилинса, йүрәк санҗиқини пәсәйтиду.

долана томурларниң еқишиға капаләтлик қилиду. бу арқилиқ йүрәк санҗиқиниң оттуриға чиқишиниң алдини алғили болиду.

булардин башқа, йүрәк санҗиқиға пайдилиқ бәзи йемәкликләр төвәндикичә:

• самсақ,

• лимон,

• пийаз,

• ақ йесивиләк,

• үзүм апелсин,

•  гүлбоғун.