мәрһәмәтлик аллаһ әрш үстидә (өзигә лайиқ рәвиштә) қарар алди
асманлардики, земиндики, уларниң арисидики вә йәр астидики шәйиләрниң һәммиси аллаһниңдур (йәни аллаһниң мүлкидур, аллаһниң мәхлуқатидур, аллаһниң тәсәррупи астидур).
түркийә авази радийоси: таһа сүриси, 1 - 12 - айәтләр. наһайити шәпқәтлик вә меһрибан аллаһниң исми билән башлаймән.
таһа (йәни и муһәммәд!)[1]. қуранни саңа сени җапаға селиш үчүн әмәс[2], пәқәт (аллаһтин) қорқидиғанларға вәз ـ нәсиһәт қилиш үчүн назил қилдуқ[3]. у земинни вә (кәң) егиз асманларни йаратқан зат тәрипидин назил қилинған[4]. мәрһәмәтлик аллаһ әрш үстидә (өзигә лайиқ рәвиштә) қарар алди[5]. асманлардики, земиндики, уларниң арисидики вә йәр астидики шәйиләрниң һәммиси аллаһниңдур (йәни аллаһниң мүлкидур, аллаһниң мәхлуқатидур, аллаһниң тәсәррупи астидур)[6]. әгәр сән ашкара сөзлисәң (йаки йошурун сөзлисәң, аллаһниң нәзиридә охшаштур), чүнки у сирни вә униңдинму мәхпийрәк ишларни билип туриду[7]. аллаһтин башқа һеч мәбуд (бәрһәқ) йоқтур, аллаһниң гүзәл исимлири бар[8]. мусаниң қиссисидин хәвириң барму?[9] өз вақтида муса (бир җайда) отниң йоруқини көрди. у аилисидикиләргә: «туруп туруңлар, мән отниң йоруқини көрдүм, мән берип (униңдин) бирәр парчә чоғ елип келишим йаки от бар йәрдә бирәр йол башлиғучини учритишим мумкин» деди[10]. муса отниң йениға кәлгәндә нида қилиндики, и муса![11] мән һәқиқәтән сениң пәрвәрдигариңдурмән, кәшиңни салғин, сән һәқиқәтән муқәддәс вади болған тувада сән[12].