көз қурғақлишиш кесилини тәбиий давалаш усуллири

(доктор мәһмәт учар)

көз қурғақлишиш кесилини тәбиий давалаш усуллири  төвәндикичә:

1 -  көз қурғақлиқини кәлтүрүп чиқиридиған шамаллиқ муһитларда йаки су үзгәндә қоғдаш көзәйники тақаш керәк.

2 - күнигә кәм дегәндә 2 литир су ичиш керәк.

3 – омега - 3 мол болған белиқ мейи билән узуқлиниш керәк.

4 - тәртиплик ухлаш керәк.

5 - қиш айлирида һава қурғақ болғачқа, көзләрдиму  қурғақлишиш көрүлиду. буниң үчүн муһитниң һаваси нәм болуши керәк.

6 -  көзлириңизни екран алдида арам алдуруш керәк.

7 – буниңдин башқа йәнә, пат – пат көзлириңизни увулаштин сақлинишиңиз керәк.

 • витамин вә озуқлуқ маддилар

көз қурғақлишиш кесәлликидә, витамин D , B12 вә A мол болған йемәкликләрни қошумчә узуқлуқлар сүпитидә истемал қилишиңиз толиму муһим. тухум сериқи, данлиқ зираәт, апелсин шәрбити, сәвзә, паләк, бирокколи вә сериқ май қатарлиқ йемәкликләр витамин D вә A ниң мол мәнбәлири һесаблиниду.

буниңдин башқа йәнә, сардин белиқи, салмон белиқи, макел белиқи, паләк, пурчақ уйутмиси вә чийа уруқи қатарлиқ омега -3 йағ кислатаси мол йемәкликләрни көп истемал қилсиңиз болиду.

• тәрхәмәк

тәрхәмәк көз қурғақлишиш кесилини давалаштики әң асан вә әң йахши өсүмлүк билән давалаш усуллиридин биридур.

совутулған тәрхәмәкни йумилақ шәкилдә инчикә тоғриғандин кейин, көзлириңизниң үстигә қойуң. көзлириңизни арам алдуруш үчүн, бу усулни күндә 2-3 қетим тәкрарлисиңиз болиду.

• гүл сүйи

гүл сүйи көз қурғақлишиш келисигә шипа болидиған әң үнүмлүк маддилардин биридур. бир парчә пахтини гүл сүйи билән һөл қилип, көз қапақлириңизға 10 минут қойуң. бу усулни күндә 2-3 қетим тәкрарлаң.

• бәлизгүл чейи

бәлизгүл көзләрдики нәмликни толуқлап, биарамлиқ кәлтүрүп чиқиридиған ғидиқлинишни азайтиду.

бир истакан қизиқ суға бир қошуқ қурутулған бәлизгүл өсүмлүки селиң, андин уни 10 минут дәмләң, андин тоңлатқуда совутуң. икки пахта топини бәлизгүл чейиға чилиғандин кейин, йепиқ көзлириңизгә қойуп, 10-15 минут турғузуң. бу усулни, таки көзлириңиздә йахшилиниш көрүлгәнгә қәдәр, күндә 3-4 қетим қоллиниң.

бәдийан уруқи

бәдийан уруқи йаллуғни азайтишқа пайдилиқ болуп, тинчландуруш хусусийити көзләрдики нәмликни сақлашқа ишлитилиду.

бир чай қошуқи бәдийан уруқини қайнақсуда 10-15 минут турғузуғандин кейин, сәл совушини күтүң. пахта топини бәдийанға чилап, йепиқ көзлириңизниң үстигә қойуң, андин кәм дегәндә 10 минут күтүң. бу усулни күндә 2-3 қетим тәкрарлаң.

 • алой

алой көзлириңизни оксидлинишқа қарши тәбиий қоғдиғучи маддидур.

азрақ алой гелини елип, көз қапақлириңизға сүрүң.

бу усулни күндә кәм дегәндә икки қетим тәкрарлаң.

• лавангүл мейи

лавангүл мейи тинчландуруш вә арам алдуруш ролиға игә. бир истакан суға бир нәччә тамчә лавангүл мейи илавә қилғандин кейин, арилаштуруң вә пакиз бир рәхт  парчисини еритмигә чилаң, андин артуқ суни сиқип, көзлириңизгә қойғандин кейин, 15-20 минут күтүң вә бу усулни қайта - қайта тәкрарлаң.

бу усулни һәр күни кәм дегәндә үч қетим тәкрарлаң.

•  бәлизгүл мейи

бәлизгүл мейи көзләрдики йаллуғни азайтишқа йардәм бериду.

бир истакан илман суға бир нәччә тамчә бәлизгүл мейи илавә қилип, арилаштуруң вә пакиз рәхт парчисини бу еритмигә чилиғандин кейин, көз қапақлириңизға қойуп, 10 минут күтүң. бу усулни күндә бир нәччә қетим тәкрарлаң.

• зәйтун йеғи

зәйтун йеғи көзләрдики ғидиқлиниш вә йаллуғни азайтишқа йардәм бериду.

бармақлириңизниң учлириға бир нәччә тамчә зәйтун йеғи сүрүң. йепиқ көз қапақлириңизни аста увулап, қоллириңиз билән бир нәччә минут йепиң. майни йуймаң. у териңизгә тәбиий һаләттә сүмүрүлсун. бу усулни күндә 2-3 қетим тәкрарлаң.

• белиқ мейи

белиқ мейи истемал қилиң.

 • йешил чай җәвһири

йешил чай җәвһири көзлириңизниң техиму көп ғидиқлинишиниң алдини алиду.

бир халта йешил чайни бир истакан қизиқ суға селип, 10-15 минут турғузуң. андин икки парчә пахта топини йешил чайға чилап, йепиқ көз қапақлириңизға қойуп, 10-15 минут күтүң вә қайта-қайта тәкрарлаң. бу усулни һәр күни бир нәччә қетим тәкрарлисиңиз болиду.

• қизиқ пирислаш

қизиқ пирислаш нәмликни сақлап, қурғақ көзләрни арам алдуриду. пакиз рәхт парчисини бир қача қизиқ суға чилаң, артуқ суни сиқип, чиланған рәхт парчисини йепиқ көзлириңизгә қойуп,  5-10 минут турғузуң.

бу усулни күндә бир нәччә қетим тәкрарлаң.