öyler kitablar bilen tolup tashsun!

yéngi sheyiler güzel bolidu - 18

1761295
öyler kitablar bilen tolup tashsun!

(gamze demech sibich)

öyliride téximu köp kitab bolghan balilar, chong bolghanda téximu az rohiy chüshkünlükke uchraydu. kitablar bilen tolup tashqan öylerde chong bolghan balilar, iqtisadiy sharaitlar we telim – terbiye amilliri nezerge élinghinidimu, yashanghanlirida téximu az rohiy chüshkünlükke uchraydu. bu bayqash, baldur tonushni béyitishning chong méngige qarita uzun muddet qoghdash roli barliqini körsitidu.

ilgiriki tetqiqatlarda bayqilishiche, öyliride chong kütüpxaniliri bar bolghan balilarning mektepte we kéyinki kespiy hayatida muweppeqiyet qazinish éhtimalliqi téximu yuqiri bolidiken.

israiliyediki BenGurion uniwérsitétidin élla kohn-shwartiz we uning xizmetdashliri, baldur kitab oqushning paydilirining taki yashanghangha qeder dawamliship dawamlashmaydighanliqini éniqlap chiqish üchün, «yawropadiki saghlamliq, qérish we pinsiyunérliq heqqidiki ray sinash» paaliyetlirining bir qismi süpitide, 2011-we 2013-yilliri yawropadiki 16 dölette este saqlash sinaqliri élip bérilghan alzimér késellikige giriptar bolmighan 65 yashtin yuqiri 8000 din artuq kishining sanliq melumatlirini tehlil qildi. sinaqlarda, melum sözlerni yadlash we 1 minut ichide imkaniyetning bariche köp haywanlargha isim qoyush paaliyetliri uyushturulghanidi.

tetqiqatchilar qatnashquchilardin ularning baliliq dewride öyliride texminen qanchilik kitab barliqini körsitip bérishni telep qildi we ulargha «kitab yoq», «bir tekche kitab (texminen 25 kitab)», «bir ishkap kitab (texminen 100 kitab)», 2 ishkap kitab yaki téximu köp kitab bar qatarliq tallashlarni sundi.

téximu köp kitablar arisida ösüp yétilgenlikini ipadiligenler, barliq este saqlash sinaqlirida téximu yaxshi netijige érishti. buningdin bashqa yene, 2011-we 2013-yilliri élip bérilghan sinaqlarda, ularda bilish – tonush jehettin azraq töwenlesh körüldi.

tetqiqatchilar; qatnashquchilarning mal – mülükliri, bilim sewiyesi, jismaniy saghlamliqi we bashqa amillarni tengshesh üchün istatistika téxnikilirini ishletkendimu, bayqash netijiliri oxshash idi.

kohn-shwartizning qarishiche, buning sewebi, kichikidinla kitab oqushning kishilerni téximu köp oqushqa ilhamlandurighanliqi, buning ularning bilim bayliqini béytqan bolush éhtimalliqi iken. oqush qatarliq eqliy iqtidarni qozghitish paaliyetliri, chong méngide, alzimér késellikidikige oxshashla, qoshumche baghlinishlarni shekillendürüp, qéritish basquchlirini kéchiktürüsh rolini oynaydiken.

awstraliyediki édis kowan uniwérsitétidin ralf martinsning eskertishiche, bu qoshumche baghlinishlarning baliliq dewride barliqqa kelgen bolush éhtimalliqi yuqiri iken. shuning bilen bir waqitta, bu, kitablar bilen tolup tashqan öylerde ösüp yétilgen balilarni, chéniqish we chalghu eswablirini chélish qatarliq bilish zapaslirini ashuridighan bashqa qozghitish paaliyetliri bilen shughullinishqimu ilhamlanduridiken.

menbesi: türkiye ilmiy we téxnologiyelik tetqiqat orni pen-téxnika zhurnili



مۇناسىۋەتلىك خەۋەرلەر