kalpuk yérilishni  tebiiy dawalash usulliri

(doktor mehmet uchar)

kalpuk yérilishni  tebiiy dawalash usulliri töwendikiche:

aq shéker

bir hesel qoshuqi aq shékerni bir hesel qoshuqi hesel bilen arilashturup, kalpukingizgha sürüp, besh minut kütüng, andin ilman su bilen kalpukingizni yuyung.

hesel

barmaqliringizning yardimide kalpukliringizgha (imkaniyetning bariche organik) hesel sürüp, 15 minut kütüng. bu usulni künde 2-3 qétim qollansingiz bolidu.

bu usulni heptide 3-4 qétim qollinish arqiliq kalpuk yérilish derdidin qutulalaysiz.

terxemek

terxemekmu kalpukliringizni éhtiyajliq bolghan nemlik bilen teminleydu. terxemekning suluq teripini kalpukliringizgha sürüp, 15-20 minut kütkendin kéyin, kalpukliringizni yuyung.

terxemekni yene bir xil  qollinish usuli töwendikiche:

aldi bilen terxemekni posti bilen birlikte muwapiq bir qachigha rendileng, andin rendilengen terxemek parchilirini kalpukliringizgha chaplap, az dégende 20 minut kütüng, andin kalpukliringizni soghuq su bilen yuyung.

badam:

badam arilashmiliq lew surux üchün, 1 istakan badam ezmisini bir qachigha sélip, üstige yérim chay qoshuqi aq shéker we 1 chay qoshuqi hesel ilawe qiling. bu arilashmini kalpukliringizda 2 minut turghuzghandin kéyin, éliwéting.

qehwe qalduqi:

qehwe qalduqi,  kalpuk qurushni dawalashqa intayin paydiliqtur. bir qachigha 1 chay qoshuqi qehwe qalduqi séling, üstige 1 chay qoshuqi hesel we 1-2 tamche zeytun yéghi ilawe qiling. bu arilashmini kalpukliringizgha sürüng, andin kalpukliringizni ilman su bilen yuyung.

qétiq we künjüt maskisi:

matériyallar

• 1 hesel qoshuqi qétiq

• 1 hesel qoshuqi künjüt yéghi

qétiq bilen künjüt yéghini muwapiq bir qachida obdan arilashturung, bu arilashmini barmaqliringizning yardimide kalpukliringizgha uwulighach sürüng, andin soghuq su bilen kalpukliringizni yuyung.

bu usulni heptide bir qétim qollansingiz bolidu.

zeytun yéghi

her küni kechte uxlashtin burun paxtining yardimide kalpukliringizning etrapigha zeytun yéghi sürüsh arqiliq kalpuk yérilish derdidin qutulalaysiz.

aloy

aloy yopurmiqidin chiqqan gélini kalpukliringizgha sürüp, taki tang atqangha qeder shu péti uxlang.

kokus méyi

kokus méyini yérilghan kalpukliringizgha sürüng.

süt we gül yopurmaqliri

bir qacha issiq sütning ichige bir tutam gül yopurmiqini sélip, yérim saet kütüng, andin gül yopurmaqlirini süttin chiqirip, ézing, andin uxlashtin burun bu arilashmini kalpukliringizgha sürüng.

tuz süyi

tuz süyi saqiyish jeryanida jarahetni pakiz tutushqa yardem béridu. bu meqsette kichik bir istakan ilman sugha bir qoshuq tuz sélinidu. bu arilashmigha paxta rextning parchisi yaki paxta topi chilanghandin kéyin, kalpuklargha sürülidu. bu arilashmini ishlitish jeryanida kalpuklarda échishish we aghrish ehwalliri körülüshi mumkin, emma bu bir nechche minuttin kéyin yoqilidu.

su

kalpukliringizgha yoqap ketken nemlikni eslige keltürüsh üchün ussuzluq hés qilmisingizmu su ichishni untup qalmang. künde 8-10 istakan su ichish arqiliq bedenni éhtiyajliq su bilen teminligili, bu arqiliq, kalpuk yérilish derdidin qutulghili bolidu.