бакси музейи

 түркийәниң шәрқий қарадеңиз районидики бир йезида мукапатлиқ бир музейниң барлиқини биләмсиз?

шәрқий қарадеңиз райониниң байбурт вилайитигә җайлашқан, бурун  «бакси», һазир «байрақтар» дәп атилидиған йезида,  бинакарлиқ лайиһәси, тәбиий қурулмиси вә адәттин ташқири дәриҗидики лайиһәлири билән диққәт қозғаватқан бир музей бардур. шәһәр мәркизигә 45 километир келидиған мусапидә, «чуруһ вадиси» ға қарайдиған тағниң үстидә, рәссам вә академик пирофессор доктор һүсамәттин кочан тәрипидин қурулған бакси музейи, 2010-йили ечилди. бинакарлиқ қурулмиси вә өзгичә җайлишиш орни түпәйли «адәттин ташқири музей» дәп аталған бакси музей, көргәзмә заллири, тәлим - тәрбийә сехлири, амбар музейи, йиғин зали, меһманхана, қәдимки мәсҗид вә күтүпханиси билән диққәт қозғайду.

заманиви вә әнәниви сәнәтләрни бирла вақитта бағриға бесип йатқан музей, йәнә йәрлик хәлқкә тәлим - тәрбийә вә хизмәт пурситиму сунмақта. буниңдин башқа йәнә, өзи җайлашқан райондики талантлиқ балиларни ениқлап чиқип, оқуш мукапат пули билән уларниң оқушиға төһпә қошмақта, болупму лайиһәләш, сәнәт вә мәдәнийәт саһәлиридики йеңилиқларға мас келидиған лайиһәләрни ишқа ашурмақта.

әнәниви мәдәнийәтни қоғдаш вә уни кейинки әвладларға мирас қалдуруш үчүн тәтқиқатларни елип бериватқан, болупму айалларни ишқа орунлаштуруш лайиһәлирини хизмәткә кириштүрүватқан баксе музейи, 2014-йили йавропа кеңиши музей мукапати вә түркийә бүйүк милләт мәҗлиси шәрәп мукапатиға лайиқ көрүлди.