бу, пәрвәрдигариңниң бәндиси зәкәрийаға қилған мәрһәмитиниң байанидур

у ейтти: «пәрвәрдигарим! мән һәқиқәтән күч ـ қуввитимдин кәттим, чечим ақарди. пәрвәрдигарим! саңа дуа қилип үмидсиз болуп қалғиним йоқ.

1739387
бу, пәрвәрдигариңниң бәндиси зәкәрийаға қилған мәрһәмитиниң байанидур

түркийә авази радийоси: мәрйәм сүриси, 1 - 11 - айәтләр. наһайити шәпқәтлик вә меһрибан аллаһниң исми билән башлаймән.

каф, һа, йа, әйн, сад [1]. бу, пәрвәрдигариңниң бәндиси зәкәрийаға қилған мәрһәмитиниң байанидур[2]. у өз вақтида пәрвәрдигариға пәс авазда мунаҗат қилди[3]. у ейтти: «пәрвәрдигарим! мән һәқиқәтән күч ـ қуввитимдин кәттим, чечим ақарди. пәрвәрдигарим! саңа дуа қилип үмидсиз болуп қалғиним йоқ[4]. мән тағилиримниң балилириниң орнумни басалмаслиқлиридин (йәни динни қолдин берип қойушлиридин) һәқиқәтән әнсирәймән, мениң айалим туғмастур, (пәзлиңдин) маңа бир (йахши) пәрзәнт ата қилғин[5]. у маңа варис болғай вә йәқуб әвладиға варис болғай, пәрвәрдигарим! уни сениң разилиқиңға еришидиған қилғин»[6].(аллаһ ейттики) «и зәкәрийа! биз һәқиқәтән саңа (пәриштиләр арқилиқ) йәһйа исимлик бир оғул билән хуш хәвәр беримиз, илгири һеч адәмни униңға исимдаш қилмидуқ»[7]. зәкәрийа ейтти: «айалим туғмас турса, мән қерип мүкчийип кәткән турсам, мениң қандақму оғлум болсун?»[8]. (нида қилған пәриштә) ейтти: «иш әнә шундақтур, пәрвәрдигариң ейтти: бу мән үчүн асандур, сени мән йараттим, һалбуки сән бурун йоқ идиң (йәни сени йоқтин бар қилғандәк, йәһйани иккиңлардин төрәлдүрүшкә қадирмән)»[9]. зәкәрийа ейтти: «пәрвәрдигарим! (айалимниң һамилдар болғанлиқиға) маңа бир аламәт қилип бәрсәң». аллаһ ейтти: «сениң аламитиң (шуки) сақ туруп үч кечә ـ күндүз кишиләргә сөз қилалмайсән»[10]. зәкәрийа намазгаһидин қәвминиң алдиға чиқип, уларни әтигән ـ ахшамда тәсбиһ ейтишқа ишарәт қилди[11].



مۇناسىۋەتلىك خەۋەرلەر