yellik boghum aghriqi we tebiiy dawalash usulliri

(doktor mehmet uchar)

yellik boghum aghriqi, süydük kislatasi boghumlargha yighilip, yallughlinishni keltürüp chiqiridighan késelliktur.

gösh mehsulatliri we déngiz mehsulatliri yellik boghum bimarlirining boghum aghriqlirini ewj alduruwétidighan asasliq amillarning biridur. purin terkibi mol bolghan jigerge oxshighan haywanlarning ichki ezaliri, gösh suliri, déngiz mehsulatliri, shundaqla, serebil yaki purchaq türidiki yémeklikler (nuqut, purchaq, yéssimuq), arpa umichi, gül kerem, palek we yer mediki qatarliq yémekliklerni istémal qilishqa bolmaydu. buningdin bashqa yene, échitilghan ichimliklermu aghriqlarni köpeytiwétidighan asasliq amillardindur.

yellik boghum aghriqi süydük kislatasi sewiyesining örlep kétishidin kélip chiqidighan bolghachqa, bu késellikni yéngishni xalaydighan kishiler, süydük kislatasining sewiyesini töwenlitidighan yémekliklerni istémal qilishi kérek.

alma sirkisi:

alma sirkisining terkibidiki alma kislatasi, bedendiki süydük kislatasini parchilaydighan bolup, yellik boghum aghriqigha intayin paydiliqtur. buning üchün, 1 istakan sugha 1 qoshuq alma sirkisini ilawe qilish kérek.

limon süyi:

limon süyi süydük kislatasini néytrallashturidu. bu arqiliq, süydük kislatasi bediningizdin chiqirilidu. limon terkibidiki witamin C süydük kislatasining sewiyesini töwenlitishingizge yardem béridu. buning üchün, her küni  1 istakan sugha yérim yaki bir limonni siqip ichish yéterliktur.

gilas:

qara böljürgen we gilas sortliri bedendiki süydük kislatasini azaytish arqiliq boghum yallughigha payda qilidu. bularning sayisida süydük kislatasi parchilinidu we ajritip chiqirish sistémisidin ötüp, bediningizdin tézlikte chiqiriwétilidu.

chimen süyi:

chimen süyi süydük kislatasini qanning ishqarliq derijisini tengshesh arqiliq yoqitidu.

köktat sherbetliri:

qerellik we yéterlik miqdarda köktat sherbiti ichsingiz,  yellik boghum aghriqini azaytalaysiz.

yawropa kerepshisi:

yawropa kerepshisi, bedende artuqche ishlepchiqirilidighan süydük kislatasining bedendin tézlikte chiqirilishigha kapaletlik qilidu. yawropa kerepshisini ushshaq-chüshshek yémekliklerge yaki tamaqlargha sélip istémal qilip bérish arqiliq, yellik boghum aghriqining passip tesiridin saqlinalaysiz. yellik boghum aghriqigha payda qilidighan yene bir yémeklik bolghan limon bilen birlikte téximu temlik bolghan yawropa kerepshisini choqum sinap béqishingiz kérek.

zenjiwil we zerchiwe:

zerchiwening bedenge sümürülüshi töwen bolghachqa, her küni, 6-8 giram zerchiwe talqinini hesel bilen arilashturup yutush kérek.

süydük heydesh chayliri:

kündüzi süydük heydesh chaylirini ichishmu süydük kislatasining sewiyesini töwenlitishke paydiliqtur. kömmiqonaq héchqandaq ekis tesiri bolmighan ishenchlik süydük heydesh dorisidur. altun bashaq ösümlükimu herdaim süydük heydesh dorisi süpitide ishlitilidu.

alma, banan, piyaz we neshpütni daim istémal qilish kérek.

reyhan, lawangül, rozémariye we qara archa  qatarliqlarning uchushchan mayliri:

uwulash we mujush sheklide ishlitilidu.

karbonat:

künige bir istakan sugha bir tatliq qoshuqi karbonat arilashturup ichilidu. (qan bésimi bar bimarlar ishletmesliki kérek.)

kerepshe sherbiti:

matériyallar: 300 - 350 giram kerepshe, 2.5 istakan su

teyyarlinishi: bir kishilik kerepshe sherbiti teyyarlimaqchi bolghan kishiler, heptide üch qétim 300 - 350 giram kerepshe istémal qilishi kérek. kerepsheni inchike toghrap, 2.5 istakan su ilawe qilghandin kéyin, aghzini yépip, töwen otta 6-7 minut qaynitishingiz lazim. kerepshe istémal qilishni yaqturmaydighan kishiler, uni yene 7 minut qaynitip, chüshlük we kechlik tamaqtin burun, uning peqet süyinila ach qorsaqqa istémal qilsa bolidu. eng yaxshisi, chüshlük we kechlik tamaqtin yérim saet burun istémal qiling. tuz, may we shuninggha oxshash maddilarni hergiz qoshmang.