hejmi qum danchisichilik kélidighan uchar özekler

yéngi sheyiler güzel bolidu - 12

1735293
hejmi qum danchisichilik kélidighan uchar özekler

(gamze demech sibich)

hazirghiche tereqqiy qildurulup, yasap chiqilghan qanatliq mikro özekler arisidiki hejmi eng kichik bolghan we her biri texminen bir qum danchisichilik kélidighan mikro özekler, haman bir küni hawaning bulghinishi we buning netijiside otturigha chiqidighan késelliklerni közitip, éniqlap chiqishta muhim rol oynishi mumkin.

alimlar, mikro özeklerni layiheligende shamal bilen birlikte uchup kétidighan uruqlarning  ayrodinamikisi (boshluqta uchush qanuniyiti) ni tetqiq qildi we buningdin ilham aldi.  bu layihe, uchar özeklerning keng bir saheni aylinip chiqishida, hemde hawani téximu yaxshi közitish üchün, uning hawada uzun waqit turalishida türtkilik rol oynaydu, elwette.

illinois ishtatidiki Northwestern  (gherbiy shimal) uniwérsitétining matériyal alimi jon rojérs we uning kespdashliri,  uchar mikro özeklerni ishlepchiqirishta, üch ölchemlik balilar kitabliridinmu ilham aldi.

ular aldi bilen üskünilerni tüz asma resim qilip shekillendürdi, andin sel sozulghan krémniy kawchuk yapraqchisigha chaplidi, yapraqche yumshighan chaghda üsküniler püküldi we ularning nazuk qanatliri üch ölchemlik shekilge kirdi.

alimlar yéqin kelgüside, hawadiki zerrichilerni bayqash üchün éléktir éqimliri, su süpitini  közitish üchün sénzorlar, quyash nurini ölchesh üchün nur tekshürgüchler, nurdin énérgiye yighish we saqlash  üchün merkiziy bir terep qilghuch, sanliq melumat ambiri we simsiz anténna qatarliq herxil éléktronluq zapchaslarni mikro özeklerge birleshtüreleydu.

menbesi: türkiye ilmiy we téxnologiyelik tetqiqat orni.

témigha munasiwetlik resimlerni tor bétimiz www.trt.net.tr din köreleysiler.



مۇناسىۋەتلىك خەۋەرلەر