boghum yallughi we tebiiy dawalash usulliri

doktor mehmet uchar  teripidin teyyarlanghan «shipa buliqi» namliq pirogrammimizning bu heptiki bölümide, «boghum yallughi we tebiiy dawalash usulliri»  heqqide melumat bérimiz.

:::::

boghum yallughi intayin köp uchraydighan bir xil késellik bolup, tiz we yanpash qatarliq yük toshush boghumlirining qétip qélishi sewebidin méngish we pelempeyge chiqip-chüshüsh heriketlirini qiyinlashturuwétidu. boghum yallughini ösümlük bilen dawalash usulliri töwendikiche:

1 - aloy

ösümlük bilen dawalashta eng köp ishlitilidighan ösümlüklerdin biri bolghan aloy, boghum aghriqlirini peseytishke paydiliq bolup, térige sürülidu.

    2 -  boswélliye derixi uruqdishi

hindistandin chéiqidighan boswélliye derixi uruqdishi yallugh qayturghuch bolup, nemlendürgüch süpitide ishlitilidu.

   3 -  éwkalipt derixi

éwkalipt derixidin élinidighan mehsulatlarning hem éghiz hem térige sürülidighan türliri bardur. térige sürülidighan türliri, boghum xaraktérlik rématizm aghriqlirini dawalashta ishlitilidighan bolup, aghriq peseytish we suluq ishshiqni azaytish roligha ige.

  4 - chinar yopurmiqi

chinar yopurmiqi térisi yirtilip, choqum obdan pishqan bolushi kérek. chinar yopurmiqini iyul éyining axirliri yighish muwapiqtur.

chinar yopurmiqi süyini teyyarlash usuli:

ikki  danechong chinar yopurmiqi (choqum pishqan yopurmaq bolushi kérek - yéshil yaki qurutulghan chinar yopurmiqi bolsimu bolidu) soghuq suda yuyulup, parche-parche qilip késilidu, 1 istakan suni qaynatqandin kéyin, yopurmaq ilawe qilinip, 1 minut demlinidu.

illighan haman, kechlik tamaqtin burun we kéche uxlashtin burun ichilidu. ikkinchi qétim ichish üchün choqum kem dégende 3 saet ötüshi kérek. bu usulni uda 30 kün üzüldürmey dawamlashturush lazim. emma, tunji hepte her küni bu su ichilidu, ikkinchi hepte, ikki kün ichilip, bir kün ichilmeydu, üchinchi hepte, üch kün ichilip, bir kün ichilmeydu, tötinchi we axirqi hepte, töt kün ichilip, bir kün ichilmeydu. ene shu yosunda bir ay tamamlinidu. chinar süyini her qétim yéngi teyyarlash kérek.

bu usulni qollinish jeryanida süt we süt mehsulatlirini istémal qilishqa ehmiyet bérilidu, qisqa – qisqa méngip bérilidu, ozuqlinish pirogrammisigha ehmiyet bérilidu.

yerge chüshüp, tupigha tegken chinar yopurmiqini ishlitishke bolmaydu, yopurmaqlar shaxtin yighilishi kérek.

  5 -zenjiwil

her küni daim zenjiwil chéyi ichish arqiliq suluq ishshiqni dawalap saqaytqili bolidu.

  6 - yéshil chay

yéshil chay bedendiki immunitét sistémisining ziyade aktipchanliqini töwenlitidu. yéshil chayni ichimlik ​​yaki tablétka sheklide ishlitishke bolidu. yéshil chayning paydisi boghum yallughi sewebidin körülgen boghum aghriqigha paydiliqtur.

   7 – zerchiwe

zerchiwening aktip terkibi bolghan kurkuminni tablétka yaki kapsul sheklide éghizdin ishlitish arqiliq, boghum aghriqlirini peseytkili bolidu.

  8 - ösümlük yaghliri:

ösümlük yaghlirini, tiz boghumlirini öz ichige alghan boghum söngengliridiki pey we muskul qétip qélishqa qarshi ishlitishke bolidu.

• bir qoshuq siyadan méyi.

• yérim istakan zeytun yéghi.

• 2 qoshuq rozémariye méyi.

• 1 hesel qoshuqi limon yéghi.

• 1hesel qoshuqi chöl reyhini méyi; arilashturulup, aghriq bar rayongha uwilighach sürülidu, andin uni  sulyaw rext bilen orap, 1-2 saet saqlash kérek.

 9 - étizliq qiriqboghumi:

boghum yallughini dawalashta ünümlük ösümlük bolghan étizliq qiriqboghumi chéyini istémal qilishmu, yene bir xil ösümlük bilen dawalash usulidur. buninggha oxshighan demlep hazirlashqa bolidighan ösümlük chaylirini hesel bilen arilashturup istémal qilishqa bolidu.

        10 - berengge sherbiti:

boghum yallughini tebiiy dawalash usulliridin yene biri, berengge sherbitini ishlitishtur. tetqiqatlargha qarighanda, berengge sherbiti, pey we muskul qétip qélish netijiside otturigha chiqidighan aghriqlarni azaytish iqtidarigha ige iken.

berenggening postini soymay, népiz qilip toghrighandin kéyin, su quyulghan chong qachigha tashlinidu, mushu yosunda bir kéche turghuzghandin kéyin, etigende ach qorsaqqa ichilidu.

      11 - ananas sherbiti:

yéngi siqilghan ananas boghum yallughigha paydiliq bolup, pey we muskul qétip qélish  netijiside kélip chiqqan ishshiqni yanduridu.

    12 - künjüt:

boghum yallughini dawalashta, bir istakan künjüt bir istakan sugha sélinidu we bu su etigende ach qorsaqqa ichilidu. künjüt bilen yasalghan bu su boghum yallughi sewebidin kélip chiqqan aghriqlarni toxtitidu we peseytidu.

ösümlük bilen dawalashtin sirt yene, beden éghirliqi heddidin ziyade artuq bolushqa qarshi küreshmu nahayiti muhimdur.

boghum yallughini dawalash jeryanida, heddidin ziyade artuq beden éghirliqidin qutulush kérek. bu shekli özgirip ketken boghumlar üchün intayin muhimdur.

heriket qilip bérish:

boghum yallughini dawalashta köp heriket qilip bérishmu muhimdur. her küni méngip we chéniqip bérishmu, tébbiy we üsümlük bilen dawamlashqa ilawe halda bimarning salametlikining eslige kélishide muhim rol oynaydu.

arishang arqiliq dawalash:

boghum yallughigha giriptar bolup qalghan bimarlar üchün eng ünümlük  dawalash usulliridin biridur.

köp üre turmasliq: eger yanpash rayonida boghum yallughi bar bolsa, daim üre turmasliq kérek.