техиму сағлам узуқлиниш техиму йахши ухлашқа бағлиқ

йеңи шәйиләр гүзәл болиду - 9

1725772
техиму сағлам узуқлиниш техиму йахши ухлашқа бағлиқ

(гамзә дәмәч сибич)

сағлам вә йетәрлик ухлаш, шекәр истемал қилиш арзуйиңизни төвәнлитиду, җүмлидин, сизгә, пиринсиплиқ һалда  техиму сағлам узуқлиниш адитини йетилдүриду.

алимларниң қаришичә, уйқу узуқлиниш қалаймиқан болуш кәлтүрүп чиқиридиған сағламлиқ мәсилиси билән мунасивәтлик икән. лекин, бу һәқтә елип берилған тәтқиқатларниң сани анчә көп әмәс икән.

америка қошма иштатлирида чиқидиған «‹клиникилиқ озуқлуқ› журнили» да елан қилинған тәтқиқатта, алимлар, қисқа ухлаш вақти билән семизлик оттурисидики мунасивәтни ениқлап чиқишқа тиришти. бу мәқсәттә, һәр күни 7 саәттин аз ухлайдиған (чоңларниң күндилик ухлаш вақти 7-9 саәт)  42 қатнашқучиниң йеримиға, күндилик ухлаш вақтини узартиш вә уйқу сүпитини йуқири көтүрүш үчүн һәр хил тәвсийәләр берилди. башқа қатнашқучилар болса, қисқа муддәтлик ухлаш адитини давамлаштурди.

уйқу вақтини узартиши тәләп қилинған қатнашқучиларға, уйқу сүпитини йуқири көтүрүш үчүн, ухлаштин бурун коффеин ичмәслик, қорсиқи бәк ач, йаки бәк тоқ ухлимаслиқи вә арам алдуридиған бәдән чиниқтурушларда болуши тәвсийә қилинди. синақ нәтиҗисидә, бу қатнашқучиларниң йериминиң уйқу вақтини узартқанлиқи ениқлап чиқилди. шуниң билән бир вақитта, уйқу вақти узарған қатнашқучилар гурупписида күндилик аддәтики шекәр истемал миқдариниң оттура һесаб билән 10 грам төвәнлигәнлики көрүлди.

адәттики шекәрләр (мәсилән, глукоза вә фруктоза) узуқлуқларда тәбиий тепилидиған йаки йемәк – ичмәкләргә кейин илавә қилинидиған маддилардур. дунйа сәһийә тәшкилати, балилар вә чоңларда күндилик адәттики шекәрләрни истемал қилиш нисбитиниң, омумий истемал енергийәсиниң% 10 дин төвән болуши керәкликини оттуриға қойди. бу хил әһвалниң келип чиқишидики сәвәб, адәттики шекәрләрниң енергийә қиммити йуқири болушиға қаримай, асаслиқ озуқлуқ маддилириниң төвән болушидур. шу вәҗидин, адәттики шекәрләрни көп истемал қилиш,  бәдәнниң зийадә еғирлап кетишигә йаки сәмрип кетишикә сәвәб болиду.

тәтқиқатчиларниң қаришичә, бу тәтқиқат нәтиҗилири, уйқу вақтиниң узиришиниң сағлам озуқлиниш адитини йетилдүрүштә түрткилик рол ойнайдиған муһим амилларниң бири икәнликини көрситидикән.

мәнбәси: түркийә илмий вә технологийәлик тәтқиқат орни

темиға мунасивәтлик рәсимләрни тор бетимиз www.trt.net.tr дин көрәләйсиләр.



مۇناسىۋەتلىك خەۋەرلەر