зукам вә  йуқумлуқ зукамдин йуқумлиниш вә тәбиий давалаш усуллири

шипа булиқи - 8

1724640
зукам вә  йуқумлуқ зукамдин йуқумлиниш вә тәбиий давалаш усуллири

(доктор мәһмәт уча)

қиш айлириниң келишигә әгишип йуқумлуқ зукам пәслиму башлиниду. соғуқ һаварайи вә пәсил характерлик өткүнчи мәзгилдә өзимизни йуқумлуқ зукамдин қоғдаш интайин муһим.

қишни йуқумлуқ зукамсиз өткүзүш үчүн, алди билән иммунитет күчимизни күчлүк тутушимизға, витамин C вә E мол болған көктат вә мевиләрни көп истемал қилишимизға тоғра келиду. буниңдин башқа йәнә,  гал вә кекирдәк йуқумлинишниң алдини елиш үчүн, қоғдаш характерлик тәбиий өсүмлүк дорилирини истемал қилишимиз мумкин.

1 - қуруқ пийаз сүйи: пийаз, кесәллик вә йуқумлиништин йирақ турушиңизда түрткилик рол ойнайду. йуқири қизитма, йуқумлуқ зукам, йөтәл вә зийадә сизимчанлиққа пайдилиқтур.

материйаллар:

• бир данә постилиқ қоңур пийаз

• икки  истакан су

пийазниң қоңур терилири сойулғандин кейин, 2 истакан суға ташлиниду, йепиқ һаләттә 5 бәш минут қайнитилиду, дәмләнгәндин кейин, сүзүп ичилиду.

2 - зәнҗивил чейи:

материйаллар:

• бир қошуқ рәндиләнгән йеңи зәнҗивил

• бир истакан су

• бир қошуқ лимон сүйи

• бир қошуқ һәсәл

бир қошуқ рәндиләнгән йеңи зәнҗивил 1 истакан суға селинип, очақта қайнитилиду. әгәр зәнҗивил бәк қайнитилса, тәми аччиқ болуп кетиду. шуңа, қайниған һаман от өчүрүлүп, 5 минут дәмлиниду. андин сүзгүч билән сүзүлүп, һәсәл вә лимон билән қошуп ичилиду.

3 – йуқумлуқ зукам чейи

материйаллар:

• липа

• зәнҗивил

• қәләмпур

• дарчин

• су

бу чайни тәййарлиғанда, адәм саниға қарап материйалларниң миқдарини көпәйтсиңиз йаки азайтсиңиз болиду. барлиқ материйаллар чәйнәккә селинғандин кейин, үстигә қайнақсу илавә қилинип, дәмлиниду. униңға лимон вә һәсәл қошушқа болиду.

4. қизилгүл чейи

қизилгүл чейи зукам вә йуқумлуқ зукам қатарлиқ үстүнки нәпәс йоли кесәлликлиригә қарши үнүми наһайити йуқири давалаш усулидур.

материйаллар:

• 1.5 - 2 қошуқ қизилгүл

• су

• һәсәл

чоң бир пийалә чай үчүн, 1.5-2 қошуқ соқулған қизилгүлни  ишлитишкә болиду. қайнақсу истаканға қуйулғандин кейин, 10-15 минут дәмлиниду. сүзүлгәндин кейин, азрақ аччиқ тәмлик чай һәсәл билән қошуп ичилиду.

5 - зукам вә йуқумлуқ зукамни анар пости вә қара буғдай билән давалаш усули

үч данә анар пости хилорсиз 1.5 истакан қайнақ суға ташлиниду вә төвән отта бәш минут қайнитилиду, бәшинчи минуттин кейин, 3 баш қара бағдай қошулуп, йәнә үч минут қайнитилиду. андин очақтин елинип, сүзүлүп, совуши күтүлиду.

совуғандин кейин, һәр күни бир қетим ач қорсаққа бир истакан истемал қилиниду. буни уда бир һәптә үзлүксиз давамлаштуруш керәк. бир һәптидин кейин, давалаш ахирлишиду. бу давалаш усулини, шикайәтләрниң тәрәққийатиға асасән қоллинишқа болиду.

6 -  ечинасейәниң бәзи түрлириниң, иммунитет системисини күчәйтиштә, болупму соғуқ өтүп қелиш кесәлликлирини давалашта үнүми наһайити йуқиридур.

7 - липаниң йаллуғ қайтуруш вә ағриқ пәсәйтиш роли бар, гални йумшитиши нәтиҗисидә галдики ғидиқлинишниң алдини алиду, бу арқилиқ соғуқ өтүп қелиш ағриқлирини пәсәйтиду, җаһил йөтәлләрдә кишиләрниң арам елишиға йардәм бериду.

8 - еғиз вә кекирдәк йаллуғлирини давалашта ишлитилидиған чөл йалпузиниң тәркибидики маддилар еғиз вә кекирдәк йаллуғлириға пайдилиқтур. шу вәҗидин, (қәтий қайнитилмастин)  чөл йалпузи билән тәййарланған чөл йалпузи чейи,  еғиз чайқаш арқилиқ еғиз вә кекирдәк йаллуғлирини давалаш мәқситидә ишлитилиду. чөл йалпузи билән ечинасейә бирликтә ишлитилгинидә, үнүми техиму йахши болиду.

9 - лимон вә һәсәл билән бирликтә тәййарланған зәнҗивил йилтизи чейи, соғуқ өтүп қелиш, гал ағриқи вә йөтәлләрни давалашта үнүми йуқиридур. буниңдин башқа йәнә, зәнҗивил, иммунитет системисини күчәйтиду.

10 – қәләмпурниң, еғиз вә кекирдәк шиллиқ пәрдисиниң йаллуғлинишиға қарши үнүми йуқиридур.

11 -  кумилач вә парашок шәклидә қаримуч мевиси билән тәййарланған чай, еғизни чайқаш шәклидә истемал қилинғинида, йутқунчақ йуқумлинишниң алдини елиш вә уни пәсәйтишкә йардәм бериду.

12 - үҗмә шәрбитиниң, зукам вә йуқумлуқ зукамға қарши үнүми йуқиридур.

13 - чөл рәйһини вә роземарийә қайнитип ичилиду.

14 – оттура һал чоңлуқтики пийазни инчикә тоғриғандин кейин, үстигә зәйтун йеғи вә лимон селинип, салат тәййарлиниду ва аз нан билән йейилиду.

15 - самсақни әтигән вә кәчтә истемал қилишқа болиду.



مۇناسىۋەتلىك خەۋەرلەر