antep baqlawasi
biliwéling - 7
(didem güneri)
ghaziantep baqlawasining yawropa ittipaqida jughrapiyelik körsetküch süpitide tizimgha élinghanliqini bilemsiz?
baqlawa, ottura asiyadin kelgen tatliq - turum türi bolup, türkler anadolugha élip kelgen bir lezzttur. u, waqitning ötishige egiship, osmanli impériyesi ordisi ashxanilirida köp xillashturulup, hazirqi halitige keltürülgen. bügünki künde, baqlawa déyilgen haman, tunji bolup ademning köz aldigha kélidighini ghaziantep baqlawasidur. türkiyening ghaziantep shehiride tughulghan, atidin oghligha, ustazdin shagirtqa ögitish arqiliq bügünki küngiche yétip kelgen ghaziantep baqlawasi, eneniwi türk taamlirigha ait eng muhim tatliq - turum türlirining biridur.
yawropa ittipaqi komitéti, 2013-yili ghaziantep baqlawasining «qoghdilidighan menbe ismi» we «qoghdilidighan jughrapiyelik belge» tizimliklirige kirgüzülüshini testiqlidi. özige xas ishlepchiqirish usuli, ishlitilgen matériyalliri we süpiti bilen dangliq markigha aylanghan ghaziantep baqlawasi, jughrapiyelik körsetküch süpitide tizimgha aldurulup, türkiyening muhim mehsulatlirining birige aylandi. ghaziantep baqlawasining yawropa ittipaqi komitétining mezkur tizimliklirige kirgüzülüshi, uning özgiche alahidiliklirini saqlap qélish we her xil shekildiki suyiistémal hem teqlid qilishning aldini élish üchün nahayiti zor ehmiyetke ige. yawropa ittipaqida tizimgha élinghan türk taamlirining tunji mehsulati bolghan ghaziantep baqlawasi, peqet türk taamliriningla emes, yawropa taamliriningmu mislisiz bayliqidur ...
