tömür kemliktin bolghan qan azliq we dawalash rétsipliri

shipa buliqi - 05

1714311
tömür kemliktin bolghan qan azliq we dawalash rétsipliri

tömür kemliktin bolghan qan azliq we bir qisim shipaliq ösümlükler arqiliq dawalash rétsipliri

doktor mehmet uchar

eger terkibide tömür maddisi bar yémeklikler yéterlik miqdarda istémal qilinmisa, bedende tömür kemchil bolush ehwali körülidu, bu bolsa, tömür kemliktin bolghan qan azliq qatarliq késekliklerning otturigha chiqishigha seweb bolidu.

• bedenge haywanatlarning göshliridin teshkil tapqan uzuq menbeliridiki eng yaxshi tömür maddisi sümürülidu. haywanat menbelik yémekliklerdiki tömür maddisi, ösümlük menbelik yémekliklerdiki tömür maddisigha qarighanda téximu asan sümürülidu. 100 giram qizil gösh, terkibidiki 2.7 milligiram tömür maddisi bilen texminen kündilik istémal qilinishqa tégishlik tömür maddisining % 15 ni qamdaydu.  shu wejidin, tömür maddisi, adette asanla qan azliq késilige giriptar bolup qalidighan kishiler üchün intayin muhimdur.

her heptide 2 kün qizil gösh, 2 kün aq gösh, 3 kün béliq istémal qilish yéterliktur. gösh  bilen birlikte  witamin C ni öz ichige alghan limonluq yéshil salatni köp istémal qilip bérishmu, tömür maddisining sümürülüshini ashurushqa paydiliqtur.

buningdin bashqa yene,

jiger

kala göshi

béliq

konsérwaliq sardina béliqi

palek

toxu göshi

tögiqush göshi

tuxum

orman yangiqi  

pishurulghan berengge

qaynitilghan kök purchaq

shéker qiyami

künjüt melhimi

künjütlük nan

uruqsiz quruq üzüm qatarliqlarmu tömür terkibi yuqiri uzuqluqlardur. yéngi méwilerge sélishturghanda quruq méwilerdiki tömür terkibi téximu yuqiridur.

• qara chay, ösümlük chay yaki qehweni tamaq bilen bille istémal qilishqa bolmaydu. tamaqtin 1 saet kéyin, ichilishi kérek. chünki bu ichimlikler, tömür maddisining yémekliktin sümürülüshini azaytiwétishi mumkin.

• tömür maddisining sümürülüshini astilitidighanliqi üchün,  süt we süt mehsulatlirini tamaq waqtidin sirtqi waqitlarda istémal qilish kérek.

• kolaliq ichimliklerni istémal qilishtin saqlinish kérek.

• terkibide witamin C bolghan yémek – ichmekler, bedinimizning tömür maddisini sümürüshini ashuridu. tömür maddisini öz ichige alghan ozuqluq qimmiti yuqiri witamin  C liq yémeklikler töwendikiche:

apélsin sherbiti

dolmiliq qizilmuch

gülkerem

böljürgen

qicha chéchiki

biryussél kapostisi

ananas

maymun shaptuli

• terkibide tömür maddisi bar bashqa tebiiy yémeklikler töwendikiche:

purchaq

noqut

yéssimuq

muqatil

kawa uruqi

yer yangiqi qiyami

 qurutulghan örük

pemidur qiyami

yawropa kerepshisi

piste

• kerepshe - palek arilashmisi qan azliqqa qarshi nahayiti ünümlük bolup, tömür kemliktin bolghan qan azliqni dawalashta nahayiti köp ishlitilidu.

ximiyelik dawalash, yaki radiyoaktipliq dawalashtin kéyin körülidighan qan azliqqa qarshi kerepshe -

palek arilashmisi, mukemmel bir yardemchi dawalash usulidur. kerepshe - palek arilashmisini teyyarlash usuli mundaq:

ishlitilidighan matériyal؛ 250 gram yéngi palek we 200 gram posti soyuwétilgen kerepshedur.

  • qaynawatqan bir létir sugha 200 gram népiz toghralghan kerepsheni tashlap, tuwiqi yépiq halette töwen otta 10 minut qayniting. 10 minuttin kéyin, uninggha 250 gram palek ilawe qiling we tuwiqi yépiq halette qazanni  yene 5besh minut qayniting. andin sowushini kütüng.
  • sowughandin kéyin, süzüp, süyini pakiz bir shéshige séling. etigende ach qorsaq yaki nashtidin bir saet kéyin bir istakan iching. kechte yene, ach qorsaq yaki kechlik tamaqtin bir saet kéyin bir istakan iching.
  • uda 15 kün etigen we kechlik ichimlikler bilen bille qoshup ichish dawamlashturulidu.
  • 15 kündin kéyin, 10 kün toxtitilidu, 10 kündin kéyin oxshash usulda etigen we kechte dawamlashturulidu.
  • jemiy 30 kün toshqanda arilashmini ichish tamamlinidu.

kündilik tamaqlirimizgha yéterlik miqdarda we yéterlik türde tömür  maddisi bar yémekliklerni ilawe qilghinimizda, bedinimiz özige yéterlik  tömür  madddisini qobul qilalaydu. shundaqtimu, bedendiki tömür maddisi kemchil bolsa, terkibide tömür maddisi bar yémekliklerdin bashqa, sirtqi tömür maddisi toluqlash qatarliq ehwallarnimu oylishishqa toghra kélidu. bu xil ehwal astida, bimar choqum doxturdin meslihet sorishi kérek.

• shuni bilish kérekki, tömür maddiliq dorilar sémizlikni keltürüp chiqarmaydu.



مۇناسىۋەتلىك خەۋەرلەر