atatürkning eng mupessel biyografiyesi
mustapa kamal atatürk heqqide yézilghan eng mupessel biyografiyelerdin birining lord kinros(Lord Kinross) teripidin yézilghanliqini bilemsiz?
türkiye awazi radiyosi: engliye hökümiti 1952-yili yazghuchi lord kinrosqa atatürk heqqide biyografiye yézish wezipisini tapshuridu. lord kinros bu wezipe üchün besh yil ayrim ziyaret xatiriliri élip baridu we jumhur reislik mehkimisining arxiplirini tetqiq qilidu.
u tetqiqatlirining axirida, «atatürk: bir ulusning yéngidin tughulushi» namliq esirini élan qilidu.
1960-yillarda neshir qilinghan kitab atatürk heqqide yézilghan eng mupessel biyografiyelerdin biri bolup qalidu. mezkur eser, chaghdash türkiyeni yaratqan we tarixning yönülüshini özgertken rehber mustapa kamal atatürkni we uning dewride yüz bergen weqelerni obyéktip halda otturigha qoyidu. lord kinros kitabida mundaq deydu:
«atatürkning zamanimizning eng meshhur kishiliridin biri ikenliki toghrisida kallamda héchqandaq shübhe yoq.»
kitab neshir qilinghanda, chet el metbuatliriningmu diqqitini tartidu we yuqiri bahasigha érishidu. lord kinrosning «atatürk» kitabi, «insan qiyapitidiki shan-sherep we sherepning untulghusiz abidisi» dep teriplinidu.
