аллаһниң немәтлирини инкар қилиш инсанниң тәбиитидур
пәрвәрдигариңлар, силәрни пәзлини (йәни пәзлидин болған ризқиңларни) тәләп қилсун дәп, кемиләрни силәр үчүн деңизда маңдуруп бериду, аллаһ һәқиқәтән силәргә наһайити меһрибандур.
түркийә авази радийоси: исра сүриси, 61 – 69 - айәтләр. өз вақтида биз пәриштиләргә: «адәмгә сәҗдә қилиңлар!» дедуқ, иблистин башқа һәммиси сәҗдә қилди. иблис: «сән лайдин йаратқанға сәҗдә қиламдимән?» деди[61]. иблис: «маңа ейтип бәргинә, сән мәндин үстүн қилған адәм мушуму? әгәр маңа қийамәткичә мөһләт беридиған болсаң, униң әвладиниң азғинисидин башқисини (аздуруп) түп йилтизидин қурутуветимән (йәни уларни халиғанчә йетиләймән)» деди[62]. аллаһ (иблисқа) ейтти: «барғин (саңа мөһләт бәрдим), улардин (йәни адәм балилиридин) кимки саңа әгишидикән, (җәһәннәм саңа вә уларға) берилгән толуқ җазадур[63]. уларниң ичидин қозғиталайдиғанлики адимиңни авазиң билән (йәни гунаһқа чақиришиң билән) қозғатқин, атлиқ вә пийадә қошуниң билән уларға һуҗум қилғин, уларниң маллириға вә балилириға шерик болғин, уларға (йалған) вәдиләрни бәргин ـ шәйтанниң уларға бәргән вәдиси пәқәт алдамчилиқтур[64]. шүбһисизки, мениң (ихласмән) бәндилирим үстидин сән һөкүмранлиқ қилалмайсән. пәрвәрдигариң һәқиқәтән һамий болушқа йетәрликтур»[65]. пәрвәрдигариңлар, силәрни пәзлини (йәни пәзлидин болған ризқиңларни) тәләп қилсун дәп, кемиләрни силәр үчүн деңизда маңдуруп бериду, аллаһ һәқиқәтән силәргә наһайити меһрибандур[66]. силәр деңизда бирәр апәткә йолуққан чеғиңларда, есиңларға силәр чоқунуватқан мәбудлар кәлмәй, пәқәт аллаһла келиду (йәни инсан мундақ чағда аллаһтин башқиға илтиҗа қилмайду), аллаһ силәрни (ғәрқ болуштин) қутқузуп, (аман ـ есән) қуруқлуққа чиқарғанда йүз өрүйсиләр (йәни ихласиңлар түгәп аввалқи һалитиңларға қайтивалисиләр). инсан куфрилиқ қилғучидур (йәни аллаһниң немәтлирини инкар қилиш инсанниң тәбиитидур)[67]. (деңизда ғәрқ болуп кетиштин қутулғиниңлар билән) аллаһниң силәрни йәргә йутқузуветишидин, йаки силәргә асмандин таш йағдуруп һалак қилишидин, андин силәрни (аллаһниң азабидин сақлайдиған) һеч һамий тапалмаслиқиңлардин қорқмамсиләр?[68] йаки аллаһниң силәрни деңизда қайта қатнатқузуп (деңиздики чеғиңларда) қара боран чиқирип, күфрилиқ қилғанлиқиңлар түпәйлидин силәрни ғәрқ қиливетишидин, андин силәргә биздин өч елип беридиған һеч әһди тапалмаслиқиңлардин қорқмамсиләр?[69]