аллаһ һәқиқәтән бәндилириниң (әһвалини, мәнпәитини) билип турғучидур

наһәқ адәм өлтүрмәңларки, аллаһ (наһәқ адәм өлтүрүшни һарам қилди), кимки наһәқ өлтүрүлидикән, (қатилдин қисас елиш, йа дийәт елиш, йа кәчүрүм қилиш) һоқуқини өлтүрүлгүчиниң игисиниң қолида қилдуқ.

1656216
аллаһ һәқиқәтән бәндилириниң (әһвалини, мәнпәитини) билип турғучидур

түркийә авази радийоси: исра сүриси, 30 – 40 - айәтләр. шүбһисизки, сениң пәрвәрдигариң халиған адәмниң ризқини кәң қилиду, халиған адәмниң ризқини тар қилиду, аллаһ һәқиқәтән бәндилириниң (әһвалини, мәнпәитини) билип турғучидур, көрүп турғучидур[30]. кәмбәғәлликтин қорқуп балилириңларни өлтүрмәңлар . уларниң вә силәрниң ризқиңларни биз беримиз, уларни өлтүрүш һәқиқәтән чоң гунаһтур[31]. зинаға йеқинлашмаңлар, чүнки у қәбиһ иштур, йаман йолдур[32]. наһәқ адәм өлтүрмәңларки, аллаһ (наһәқ адәм өлтүрүшни һарам қилди), кимки наһәқ өлтүрүлидикән, (қатилдин қисас елиш, йа дийәт елиш, йа кәчүрүм қилиш) һоқуқини өлтүрүлгүчиниң игисиниң қолида қилдуқ, игиси қисас елишта чәктин чиқип кәтмисун (қатилдин ғәйрини өлтүрүш, йа униң әзалирини кесиш, бир адәм үчүн икки адәмни өлтүрүш қатарлиқ ишларни қилмисун), (наһәқ өлтүрүлгүчиниң) игисигә аллаһ һәқиқәтән мәдәткардур[33]. йетимниң мелини таки у балағәткә йәткәнгә қәдәр (йетимгә) әң пайдилиқ усулда тәсәрруп қилиңлар, әһдигә вапа қилиңлар, (қийамәт күни) әһдә үстидә (йәни әһдигә вапа қилған ـ қилмиғанлиқ үстидә) әлвәттә соал ـ сорақ қилинисиләр[34]. силәр (башқиларға ашлиқ қатарлиқларни) өлчәп бәргәндә, толуқ өлчәңлар вә таразида тартип бериңлар, бундақ қилиш (силәргә дунйада) йахшидур, ахирәтликиңлар үчүн техиму обдандур[35]. билмәйдиған нәрсәңгә әгәшмә (йәни билмигәнни билдим, көрмигәнни көрдүм, аңлимиғанни аңлидим демә), (инсан қийамәт күни) қулақ, көз, дил (йәни сәзгү әзалири) ниң қилмишлири үстидә һәқиқәтән соал ـ сорақ қилиниду[36]. сән земинда мәғруранә йүрмигин, (һакавурлуқтин айиғиң билән) йәрни тешиветәлмәйсән, (һәрқанчә гидәйгиниң билән) егизликтә тағларға тәңлишәлмәйсән[37]. йуқириқи (иш) ларниң һәммиси қәбиһ болуп, аллаһниң дәргаһида йамандур[38]. булар пәрвәрдигариң саңа вәһйи қилған һекмәтләрниң бир қисмидур, аллаһқа башқа мәбудни шерик қилмиғин, болмиса маламәт қилинған, (аллаһниң рәһмитидин) қоғланған һалда җәһәннәмгә ташлинисән[39]. әҗәба аллаһ силәргә оғулларни хас қилип, пәриштиләрни өзиниң қизлири қиливалғанму?  һәқиқәтән силәр чоң сөзни қиливатисиләр[40].



مۇناسىۋەتلىك خەۋەرلەر