p k k ning peshmergige qilghan hujumi némidin dérek béridu?

p k k ning peshmergige qilghan hujumi némidin dérek béridu?

küntertip we analiz (76)

(jan ajun)

hörmetlik radiyo anglighuchilar! «küntertip we analiz» namliq pirogrammimizning bügünki bölümide  siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «p k k ning peshmergige qilghan hujumi némidin dérek béridu?» témiliq analizni diqqitinglargha sunimiz.

**** **** ** **** * *****

türkiye iraqning shimalidiki térorluqqa qarshi kürishini kücheytiwatqan bir mezgilde, térorluq teshkilati p k k ning iraq kurd rayonluq hökümitige tewe herbiy qisim bolghan peshmergilerni biwasite hujum nishani qilishqa bashlighanliqi melum. yéqinda yüz bergen térorluq hujumida 7 peshmerge eskiri hayatidin ayrildi. nurghun peshmerge yarilandi. iraq kurd rayonluq hökümitidimu térorluq teshkilati p k k gha qarshi qattiq ghezep qozghaldi.

shimaliy iraq kurd rayonluq hökümitining herbiy küchi  hésablinidighan peshmergiler bilen p k k térorluq teshkilati otturisidiki jiddiylik bezide toqunushqa aylinip kelgen bolsimu, bu qétim p k k ning duxokqa qarashliq amidi rayonida peshmergige tewe zerawani küchlirige qilghan hujumi otqa yagh tökkendek weziyet shekillendürdi. bu qétimqi térorluq hujumida 6 peshmerge hayatidin ayrildi, nurghun peshmerge yarilandi. arqidinla bashqa bir jayda qilinghan hujumda yene bir neper peshmerge hayatidin ayrildi. bu hujumlardin kélip chiqqan éghir ziyan pütkül shimaliy iraq kurd rayonluq hökümitide qattiq ghezep peyda qildi, emma p k k bu hujumda özlirining biwasite jawabkarliqi yoqliqi heqqide tetur teshwiqat qilmaqta.

térrorluq teshkilati p k k élan qilghan bayanatida, özlirining métina rayonigha kirmekchi bolghan peshmergilerni agahlandurghanliqini, emma hujum qilmighanliqlirini ilgiri sürüshmekte. lékin barliq alametler p k k ning peshmerge küchlirini hujum nishani qilghanliqini éniq körsitip bermekte. bash ministir barzani qatarliq shimaliy iraq kurd rayonluq hökümiti mesullirimu p k k ni biwasite qattiq eyiblidi.

eslide, biz azraq keynige qaraydighan bolsaq, bu jiddiychilikning qedemmu-qedem kücheygenlikini köreleymiz. türkiyening iraqning shimalida künséri küchiyiwatqan p k k gha qarshi heriketliri we PKK ni chégra siziqidin chékindürgen halda ilgirilishi, yene kélip, haftanin, awashin-basyan we métina qatarliq rayonlarda hakim orungha ötüp, orunlishishi hemde  bu jeryanda peshmergeningmu bezi jehetlerdin türkiye qoralliq qisimlirigha yardemde bolishi p k k ni intayin müshkül ehwalgha chüshürüp qoyghan idi. térrorluq teshkilati éghir yoqulushlargha uchrighandin bashqa yene, özining kontrolluqi astidiki rayonlardimu qorshawgha élinip, arqa sep teminat liniyelirini qoldin bérip qoyushqa mejbur bolghan idi. shunga p k k peshmergini ochuq-ashkare hujum nishani qilish arqiliq özlirining rayondiki mewjutluqini qoghdashning koyigha chüshken idi.

axirida térorluq teshkilati rayondiki malimanchiliqtin paydilinip, nurghun rayonlarni emeliy kontrolloqi astigha alghan we iraq kurd rayonluq hökümitining heq - hoquqinimu étirap qilmay, heriket qilishqa bashlighan idi. biwasite 700 din artuq yéza p k k ning kontrolluqigha ötüp ketken idi. bu ehwal iraq kurd rayonluq hökümiti, bolupmu peshmerge qisimliri hezim qilalmaydighan ish idi. türkiye qoralliq qisimlirining rayonda küchlük bir shekilde p k k gha hujum qilishi,  peshmerge qisimlirighimu purset yaritip berdi we axirida ularning anche küchlük bolmigham shekilde  bolsimu, p k k gha qarshi heriketke ötüshini ishqa ashurdi.

aldimizdiki mezgillerde peshmerge- p k k tuqunushining dawamliq küchiyidighanliqini we bu ehwalda iraq kurd rayonluq hökümitiningmu türkiyening térorluqqa qarshi kürishini qollap - quwwetleydighanliqini perez qilalaymiz.