türkiyening térrorluqqa qarshi kürishi

türkiyening térrrluqqa qarshi körishi

küntertip we analiz (74)

(jan ajun)

«küntertip we analiz» namliq pirogrammimizning bügünki bölümide  siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «türkiyening térrorluqqa qarshi kürishi» témiliq analizni diqqitinglargha sunimiz.

**** **** ** **** * *****

türkiyening iraqning shimalidiki p k k térrorluq teshkilatining baza rayonigha qarshi bashlighan chaqmaq penchisi we chaqmaq herbiy herikiti dawamlashmaqta. hazirgha qeder bu teshkilatning 150 ke yéqin unsuri ujuqturuldi. türkiye qoralliq qisimlirining yaz aylirining kirishi bilen teng bashlighan  heriketlirini téximu kéngeytken halda dawamlashturidighanliqi éniq.

türkiye bir tereptin memliket miqyasida térrorluq teshkilatigha ejellik zerbe bérishni dawamlashturiwatqan bolsa, yene bir tereptin döletlik istixbarat teshkilati élip bériwatqan muweppeqiyetlik heriketler arqiliq  térrorluq teshkilatning atalmish ​​rehberlirini tazilimaqta.

türkiye mudapie telimati dairiside térrorluqqa qarshi küresh qilip, uzun mezgildin buyan mudapiede turghan idi. emdilikte bolsa, biwasite chégra halqighan heriketlerge yüzlinish arqiliq térrorluq teshkilati p k k ni iraq we süriyede zerbe nishani qilmaqta. memliket miqyasidiki taghliq rayonlarda térrorluq teshkilatigha qarshi pütün meydanlar boyiche bésim peyda qilip, barliq baza rayonlirigha teng birla waqitta hujum qilmaqta. bu nuqtida térrorluq teshkilati türkiyede asasen dégüdek heriket qilish iqtidarini pütünley yoqatqan weziyette turmaqta. yéza - qishlaqlardiki teshkilat ezalirining sanimu 250 din azlighanliqi melum. bu ish türkiyening térorluqqa qarshi küreshidiki tarixiy ehmiyetke ige muweppeqiyet dep qaralmaqta.

buningdin bashqa yene, ichki ishlar ministiri sulayman soyluning bayanatigha asaslanghanda, türkiye ichide térrorluq teshkilatigha qatnishish nisbiti  nölge chüshken bolup, ujuqturulghan her bir p k k ezasining bosh qalghan ornining yéngi térrorchilar bilen toldurulishi mulkin bolmaydighan  weziyet shekillengen.

türkiye iraq we süriyediki térrorluq teshkilati p k k gha adettiki usullar bilen zerbe bériwatqan bolsa, döletlik istixbarat teshkilatimu meydanda  insan küchi we téxnika istixbarat iqtidarini ishqa sélip,  p k k ning atalmish ​​ rehberliri we meydan qomandanlirining piyide bolmaqta. tereqqiy qildurulghan bu yéngi usul arqiliq hazirgha qeder onlighan  yuqiri derijilik teshkilat unsurlirining ujurqturulghanliqi melum. bu qétim p k k ning süriye urush meydanigha mesul intayin muhim rehberliridin biri bolghan térrorchi sofi nureddin ujuqturuldi. buningdin bashqa yene, dokokta garagha yéqin bir jayda  p k k ezasi 4 térrorchimu insan istixbarati we hawadin uchquchisiz ayropilan bilen hujum qilish arqiliq ujuqturuldi. térrorluq teshkilatning qomandanliq qurulmisi asasen dégüdek yimirip tashlandi. térrorluq teshkilatining muhim shexslirining hujum nishani qilinishi, térrorchilarning meniwi jehettin chüshkünlishishide muhim hel qilghuch  rol oynimaqta.

qisqisi, türkiye p k k térrorluqigha qarshi küreshte ilgiri héch körülüp baqmighan derijide muweppeqiyetlik nuqtigha yétip keldi. hem siyasiy irade we qetiylik, hem quralliq qisim  we döletlik istixbarat teshkilatining imkan – qabiliyetliri yétip kelgen nuqta jehettin, türkiye ghayet zor derijide kücheygen ehwalda turmaqta. türkiyening bu muweppeqiyeti mudapie sanaiti we éksport iqtidaridimu özini namyan qilmaqta. bu qétim shimaliy atlantik ehdi teshkilati we yawropa ittipaqigha eza döletlerdin polshagha 400 milyon dollarliq uchquchisiz ayropilan  TB2 ni ékisport qilish kélishimi tüzüldi. bu barliq muweppeqiyetlerning arqisida türkiye tetqiq qilip yasap chiqqan sistémilarning aktip jeng meydanlirida üzlüksiz sinaq qilinishining chong hessisi barliqi melum.