aghri téghi we nuhning kémisi heqqide némilerni bilisiz?
didem öztashbashi teripidin teyyarlanghan «biliwéling» namliq pirogrammimizning bügünki sanida «aghri (ararat) téghi» toghrisidiki uchurlarni siler bilen ortaqlishimiz.
türkiye awazi radiyosi: türkiyening eng chong téghi bolghan aghri téghining diniy riwayetler makani ikenlikini anglighanmidingiz?
égizliki 5237 métir kélidighan aghri (ararat) téghi türkiyediki eng chong tagh bolup, nuh tupanidin kéyin nuh eleyhissalamning kémisige sahibxanliq qilghan bolghachqa, epsaniwi alahidilikke ige tagh hésablinidu. muqeddes kitablardimu tilgha élinghan aghri téghining oxshimighan tillarda nurghun isimliri bar. assur tilidiki «taghliq rayon, égiz memliket» dégen menini bildüridighan, esli «uruatri» bolghan «urartu» sözi ibraniy tilidiki muqeddes kitabtiki xata teleppuz sewebidin «ararat» dep atilip qalghan. bügünki künde nurghun medeniyetler aghri téghini assur tilidin kelgen bu isim bilen atimaqta.
nuh kémisining aghri téghida ikenliki étiqadi, nurghun kishilerni bu taghqa yamishishqa ündidi. tarixiy menbelerge asaslanghanda, marko polo qetiy chiqqili bolmaydu, dégen bu taghqa 1829 – yili piroféssor frédrék won parat chiqqan. ikkinchi qétimliq yamishish aridin nahayiti uzun waqit ötkendin kéyin, yeni 1970-yili 2-ayning 21-küni türkiye taghqa yamishish fédératsiyesining sabiq bashliqliridin doktor bozqurt ergör teripidin ishqa ashuruldi. aghri téghini her yili dunyaning her qaysi jayliridin kelgen minglighan taghqa yamashquchi ziyaret qilidu.
