rusiye – amérika qoshma ishtatliri otturisida meydangha kelgen siyasiy kirizis

yawroasiyagha nezer - 65

1608443
rusiye – amérika qoshma ishtatliri otturisida meydangha kelgen siyasiy kirizis

rusiye – amérika qoshma ishtatliri otturisida meydangha kelgen siyasiy kirizis

abdresul ishaqow

2021-yili, 16-mart küni, amérika merkiziy  axbarat orgini doklat élan qilip, rrusiyeni donald trampning qayta saylinishigha yardem bérish we jo baydinni pirézidént saylimidin tosushqa urunush bilen eyiblidi. etisi küni, amérika prézidénti jo baydin, bir téléwiziye qanilining ziyaritini qobul qilghanda, rusiye pirézidénti wiladimir putinning «rohsiz adem» ikenlikini ilgiri sürdi, hemde putinni qatil dep qarap qarimaydighanliqi teriqisidiki soalgha, «shundaq, men shundaq oylaymen» dep jawab berdi.

18 – mart küni, aqsaray bayanatchisi jén psaki, baydinning rusiye prézidénti wiladimir putin heqqide ishletken «qatil» ibarisige pushayman qilip qilmighanliqigha alaqidar soalgha jawab bergende mundaq dédi: ««yaq, pirézidént baydin biwasite soralghan soalgha biwasite jawab berdi.»

bu özgirishlerdin kéyin, 2021-yili, 17-mart küni, rrusiye fédératsiyesi tashqi ishlar ministirliqi bayanatchisi mariya zaharowa, rrusiyening amérika qoshma ishtatlirida turushluq bash elchisi anatoli antonowning «moskwagha meslihet üchün chaqirtilghanliqi» ni uqturdi, hemde bu basquchta özlirining «ikki dölet munasiwetlirining eslige keltürgili bolmaydighan derijide yamanliship kétishining aldini élish» qa köngül bölüwatqanliqlirini tekitlidi. rrusiye taratqulirimu, jo baydinning qizil siziqtin halqighanliqini tekitleydighan maqalilerni élan qildi.

2021-yili, 18-mart küni, wiladimir putin bu heqte élan qilghan bayanatida, eslide baydinning «qatil» ikenlikini ilgiri sürüp: «men uninggha (baydin) néme dep jawab bérettim? men uninggha <salamet bolung> deyttim, men uninggha salametlik tileymen, men buni mesxire we chaqchaq qilmastin éytiwatimen» dédi.

shu küni, rusiye prézidénti wiladimir putin, tekrar bu mesilini tilgha élip, kütülmigende amérika qoshma ishtatliri pirézidénti jo baydinni «pütün dunya köridighan biwasite neq meydan munazirisi» ge teklip qildi. baydinmu putinning teklipige, «men melum nuqtida körüshidighanliqimizgha ishinimen» dep jawab bérish bilenla cheklendi.

2021-yili, 20-mart  küni, dimitriy péskow, rusiye – amérika qoshma ishtatliri munasiwetliri mesiliside eng yaxshisini ümid qilidighanliqlirini we eng nachirighimu teyyarliq qilidighanliqlirini bildürdi.

bu özgirishlerdin körüwélishqa boliduki, rrusiye – amérika qoshma ishtatliri otturisida krizis bardur. derweqe, nachar halette turuwatqan munasiwetlerning baydinning «qoralsizlinish kélishimi» ni testiqlishi bilen normallishishi kütülüwatqan bir peytte, yéngi bir kirizis otturigha chiqti. alékséy nawalniyning qolgha élinish mesilisidimu her ikki dölet bir - birini eyiblidi.

mezkur krizisning qirim bésiwélinghan künge toghra kélishi hergizmu tasadipiyliq emestur. bezi tehlilchiler, rusiye bilen gherbning ukrainada toqunushup qélish éhtimalliqining barliqini eskertmekte. derweqe, shimaliy atlantik ehdi teshkilatining rusiyeni eyiblep élan qiliwatqan bayanatliri yéqindin buyan köpiyishke bashlidi. eng yéngi özgirishlerdin kéyin, amérika qoshma ishtatliri rusiyege yéngi émbargolarni yürgüzüshi mumkin.

küzde ötküzülidighan duma saylimining rrusiyede amérika qoshma ishtatlirigha qarshi bayanatlar bilen ötidighanliqini texmin qilghili bolidu. bu qarshilishish ne rusiye bilen amérika qoshma ishtatlirigha, ne rayon döletlirige paydiliq emestur. rrusiye – amérika qoshma ishtatliri munasiwetlirining jédel – majiragha aylinip kétishi, rusiye bilen qoyuq iqtisadiy munasiwiti bar döletlergimu biwasite tesir körsitidu. shu wejidin, ikki döletning siyasiy rehberlirining soghuqqanliq we mesuliyetchanliq bilen heriket qilishigha toghra kélidu.



مۇناسىۋەتلىك خەۋەرلەر