аллаһ силәрниң бәзиңларни бәзиңлардин ризиқта үстүн қилди

түркийә авази радийоси: нәһл сүриси, 65 – 72 - айәтләр. аллаһ булуттин йамғур йағдуруп, шуниң билән қағҗирап қалған земинда (түрлүк зираәтләрни) үндүрди, буниңда (вәз ـ нәсиһәт) аңлайдиған қәвм үчүн, әлвәттә, (аллаһниң қудритиниң чоңлуқини көрситидиған) дәлилләр бар[65]. чаһарпайларда силәр үчүн һәқиқәтән бир ибрәт бар. силәрни чаһарпайларниң қарнидики майақ ـ тезәктин вә қандин айрилип чиққан пакиз вә тәмлик сүт билән суғиримиз[66]. (силәр үчүн йәнә бундақ ибрәтму барки) хормидин, үзүмдин шараблар вә пакиз йемәкликләр йасайсиләр, әқилни ишлитидиған қәвм үчүн буниңда һәқиқәтән аллаһниң бирликини көрситидиған дәлил бар[67]. пәрвәрдигариң һәсәл һәрисигә илһам билән билдүрди: «тағларға, дәрәхләргә вә (кишиләрниң һәсәл һәрилири үчүн) йасиған өйлиригә ува түзгин[68]. андин кейин, түрлүк мевиләр (йәни гүл ـ чечәкләр) дин йегин, пәрвәрдигариңниң йоллириға итаәтмәнлик билән киргин». униң (йәни һәсәл һәрисиниң) қарнидин инсанларға шипа болидиған хилму ـ хил рәңлик ичимлик (йәни һәсәл) чиқиду. буниңда (аллаһниң қудритиниң чоңлуқини) пикир қилидиған қәвм үчүн ибрәт бар[69]. аллаһ силәрни йаратти, андин (әҗилиңлар пүткәндә) силәрни қәбзи роһ қилиду, араңларда өмүрниң йаман (йәни әң қерилиқ) басқучиға улишидиғанларму бар, улар һәтта (бир нәрсиләрни) билгәндин кейин, һеч нәрсини билмәс болуп қалиду (йәни илгири билидиғанлирини унтуп, күч ـ қуввити түгәп, әқли кемийип кичик балиға охшап қалиду). аллаһ һәқиқәтән (мәхлуқатни башқурушни) билгүчидур, (өзи ирадә қилған нәрсини ишқа ашурушқа) қадирдур[70]. аллаһ силәрниң бәзиңларни бәзиңлардин ризиқта үстүн қилди, ризиқта үстүн қилинғанлар өзлириниң ризқини баравәр болуш үчүн қол астидики қулларға бәрмәйду, улар аллаһниң немитини инкар қилишамду?[71] аллаһ силәр (ниң унси ـ үлпәт елишиңлар) үчүн хотунуңларни өз типиңлардин йаратти, силәр үчүн улардин оғулларни вә нәвриләрни йаратти. силәргә түрлүк шерин нәрсиләрни ризиқ қилип бәрди. улар батилға (йәни бутларға) ишинип аллаһниң немитигә куфрилиқ қиламду?[72]