asmanlardiki we zémindiki hemme nerse allahning mülkidur

türkiye awazi radiyosi: nehl sürisi, 43 – 54 - ayetler. sendin ilgiri biz peqet erlergila wehyi nazil qilip, ularni peyghember qilip ewettuq, (i qureysh jamaesi!) buni bilmisenglar, ilim ehliliri (yeni tewrat we injilni bilgüchiler) din soranglar[43]. (ularni ularning özlirning rastliqini körsitip béridighan) deliller we muqeddes kitablar bilen (ewettuq), biz sanga quranni insanlargha chüshürülgen sherietni bayan qilip bersun, ular (bu quranni) pikir qilip (uningdin wez ـ nesihet alsun) dep nazil qilduq[44]. hiyle ـ mikir ishlitip yaman ish qilghanlar allahning özlirini yerge yutquzuwétishidin yaki özlirige oylimighan yerdin azab kélishidin qorqmamdu?[45] yaki özlirini seper ustidiki chaghlirida jazagha yuluqturushidin qorqmamdu? (bu chaghda) ular qéchip qutulalmaydu[46]. yaki (allahning) özlirini qedemmuqedem jazalishidin qorqmamdu? silerning perwerdigaringlar elwette merhemetliktur, méhribandur (shunga silerni aldirap jazalimidi[47]. ular allah yaratqan sheyilerning sayilirining boysunghan halda allahqa sejde qilish yüzisidin ong ـ solgha mayil bolup turghanliqini körmidimu?[48] asmanlardiki we zémindiki haywanatlar, perishtiler allahqa sejde qilidu, ular ( allahqa sejde qilishtin) chongchiliq qilip bash tartmaydu[49]. ular öz üstidiki perwerdigaridin qorqidu, özlirige buyrulghanni qilidu[50]. allah: «ikki ilahqa ibadet qilmanglar, u peqet birla ilahtur, mendinla qorqunglar» dédi[51]. asmanlardiki we zémindiki hemme nerse allahning mülkidur, ibadet hemishe allahqa xastur, allahtin bölek gheyridin qorqamsiler?[52] siler behrimen boluwatqan németlerning hemmisini allah bergen, silerge bir éghirchiliq yetse, allahqa yalwurup dua qilisiler[53]. allah silerdin éghirchiliqni kötürüwetse, aranglardin bir bölük adem derhal öz perwerdigarigha shérik keltüridu[54].