يازغۇچى ياشار كامالنىڭ <مەمەت ئاۋاق> (ئىنجە مەمەد) ناملىق رومانى

دىدەم ئۆزتاشباشى تەرىپىدىن تەييارلانغان «بىلىۋېلىڭ» ناملىق سەھىپىمىزنىڭ بۈگۈنكى سانىدا «يازغۇچى ياشار كامالنىڭ (ئىنجە مەمەد) ناملىق رومانى» ھەققىدىكى ئۇچۇرلارنى سىلەر بىلەن ئورتاقلىشىمىز.

1588375
يازغۇچى ياشار كامالنىڭ <مەمەت ئاۋاق> (ئىنجە مەمەد) ناملىق رومانى

تۈركىيە ئاۋازى رادىيوسى: تۈركىيەلىك يازغۇچى ياشار كامالنىڭ «مەمەت ئاۋاق (İnce Memed)» ناملىق رومانىنىڭ دۇنيانىڭ ھەرقايسى جايلىرىدا تونۇلغانلىقىنى ئاڭلىغانمىدىڭىز؟

«مەمەت ئاۋاق» مەشھۇر تۈرك يازغۇچىسى ياشار كامالنىڭ تۇنجى رومانى. 1955- يىلى نەشر قىلىنغان «مەمەت ئاۋاق» ئاپتورنىڭ نادىر ئەسىرى دەپ قارىلىدۇ. روماندا جەنۇبىي ئانادولۇدا ياشايدىغان كەنت ئاھالىلىرىنىڭ جەمەتچىلىككە، بەگلىككە قارشى كۈرىشى بايان قىلىنىدۇ. 1957- يىلى تۇنجى قېتىم بۇلغار تىلىغا تەرجىمە قىلىنغان بۇ روماننى، 1959 – يىلى نازىم ھىكمەت رۇسچىغا تەرجىمە قىلدى. رومان 1961 - يىلى ئىنگلىزچە ۋە فىرانسۇزچىغا تەرجىمە قىلىنىپ ئەنگلىيە ، ئامېرىكا، فىرانسىيە ۋە ئىتالىيە قاتارلىق دۆلەتلەردە نەشر قىلىندى. كېيىنكى يىلى نېمىس ۋە ئىسپان تىللىرىدىكى تەرجىمىلىرى نەشر قىلىنغان «مەمەت ئاۋاق» بۈگۈنگە قەدەر ئۇيغۇرچىنى ئۆز ئىچىگە ئالغان قىرىق نەچچە خىل تىلغا تەرجىمە قىلىندى.

«مەمەت ئاۋاق»  1984- يىلى ئەنگلىيەلىك ئارتىس ۋە يازغۇچى پېتېر ئۇستىنوف تەرىپىدىن Memed, My Hawk» » (مەھمەت، مېنىڭ بۈركۈتۈم) دېگەن نام ئاستىدا كىنو قىلىپ ئىشلەندى. رېژىسسور ئۇستىنوف سېنارىيەسىنى ئۆزى يازغان مەزكۇر فىلىمدە ئابدى ئاغانىڭ رولىنى ئالدى، مۇزىكىسىنى گىرېتسىيەلىك كومپوزىتور مانوس ھاشىداكىس ئىشلىگەن بۇ فىلىمنىڭ يەنە بىر نامى «شىر ۋە بۈركۈت» (The Lion and the Hawk) ئىدى.



مۇناسىۋەتلىك خەۋەرلەر