түркийә кутупханичилиқ әнәнисиниң нәччә әсирлик өтмүшкә игә икәнликини аңлиғанмидиңиз

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «түркийәдә кутупханичилиқ» темисидики учурларни силәр билән ортақлишимиз.

1561377
түркийә кутупханичилиқ әнәнисиниң нәччә әсирлик өтмүшкә игә икәнликини аңлиғанмидиңиз

түркийә авази радийоси: түркийәниң 900 йиллиқ кутупханичилиқ әнәнисигә игә икәнликини аңлиғанмидиңиз?

түркийәниң кутупханичилиқ әнәниси 900 йиллиқ тарихқа игә. тунҗи кутупханилар анадолуниң тунҗи бәгликлири вә салҗуқилар дәвридә қурулди, османли дәвридә гүлләнди. османли империйәсиниң дәсләпки мәзгиллиридики кутупханилар мәсчит, гүмбәз , мәдрисә, шипахана вә сарай қатарлиқ орунларниң ичидә иди. кейинчә кутупханилар айрим органлар сүпитидә оттуриға чиқишқа башлиди.

1884- йили хизмәткә кириштүргән бәйазит дөләт кутупханиси түркийәниң тунҗи рәсмий кутупханисини һесаблиниду. кутупхана дәсләп қурулғанда, китаб ишкаплирида пәқәт османли империйәсиниң мәшһур тарихчиси мустапа наиманиң «наима тарихи» намлиқ әсири  қойулғаниди. вақитниң өтишигә әгишип, дәрвишләр туралғулиридин топланған әсәрләр, сетивелинған китаблар вә кутупханиға ианә қилинған һөҗҗәтләр билән мол учур хәзинисигә айланди. 1934- йили ататүркниң тәлипигә бинаән чиқирилған «басма материйалларни топлап рәтләш» қануни сайисида кутупханидики материйаллар көрүнәрлик дәриҗидә моллашти؛ чүнки түркийәдики һәр хил басма нәшр буйумлириниң бир нусхисини мәҗбурий һалда кутупханиға қойуш шәрт иди. бүгүнки күндә бир милйондин артуқ материйали билән тарихчиларға нисбәтән кәм болса болмайдиған бекәткә айланған бәйазит дөләт кутупханиси, тәрәққий вә мулазимәт қилишни давамлаштурмақта.



مۇناسىۋەتلىك خەۋەرلەر