rozhdéstwa boway chérkawi heqqide némilerni bilisiz

antalyada pütün dunyada «noél baba» dep atilidighan rozhdéstwa boway — saynit nikola ismida bir chérkawning barliqini anglighanmidingiz?

saynit nikola miladiye 3- esirning kéyinki yérimida patarada dunyagha kelgen bolup, hazirqi demre, öz waqtidiki mayrada épiskopluq wezipisini ötigen. rus impériyesi we nurghun yawropa döletlirining eng dangliq épskopi bolghan saynit  nikola, amérikadimu kishilerning alahide alqishigha érishken bolup, u hetta nyuyorkni qoghdaydighan ewliyalarning biri dep qaralghan.

saynit nikola wapat bolghandin kéyin, mayraliqlar uning namida bir chérkaw sélip, jesitini shu yerge qoyghan. ottura wizantiye dewrining binakarliq uslubidiki bu muhim abide, her qétim buzulghanda rémont qilinghachqa, oxshimighan dewrlerning iznalirinimu özige mujessemligen. kembegheller bilen yétim -  yésirlarning eng chong pasibani dep qaralghan sant nikolaning namida minglighan chérkaw sélinghan bolsimu, demrediki saynit nikola chérkawi tarixi nuqtisidin özgiche orungha ige.

ehli selp yürüshliri jeryanida bu yerge kelgen bir qisim sodigerler uning söngikini oghrilap barigha élip ketken bolsimu, qalghan söngekler yenila demrediki muzéyda saqlanmaqta. arxéologiyelik qézishlar dawamida nikola chérkawigha munasiwetlik nurghun qimmetlik buyumlar qéziwélindi. bu asare-etiqiler bügün muzéy süpitide ishlitiliwatqan chérkawda körgezme qilinmaqta.