enqerediki tebiet tarixi muzéyi heqqide némilerni bilisiz

didem öztashbashi teripidin teyyarlanghan «biliwéling» namliq pirogrammimizning bügünki sanida «mta muzéyi» toghrisidiki uchurlarni siler bilen ortaqlishimiz.

1514790
enqerediki tebiet tarixi muzéyi heqqide némilerni bilisiz

türkiyening paytexti enqerede bir tebiiet tarixi muzéyining barliqini anglighanmidingiz?

türkiyening tunji we eng chong tebiet tarix muzéyi, 1968- yili enqerediki minéral maddilarni tetqiq qilish we tekshürüsh bash idarisining qarmiqida quruldi. türkiye we dunyaning her qaysi jayliridin toplanghan tebiet tarixini bayan qilidighan köp sanda tashqatma, tashlar, ménéral we kan maddiliri ewrishkiliri körgezme qiliniwatqan muzéy üch qewetlik bolup, birinchi bolup «alemge sayahet qilish» namliq  kirish qewiti ziyaretchilirini qarshi alidu. bu yerde quyash sistémisidiki seyyariler bilen yéqindin tonushush, ay téshi, chaqmaq téshi we météoritlarni körüsh pursiti bar. ötmüshtiki janliqlarning qalduqliri bolghan omurtqiliq we omurtqisiz haywanlarning we ösümlüklerning tashqatmiliri, 140 milyon burunqi göshxor dinozawrlar, marash pili we kit iskiliti muzéyning birinchi qewitige qoyulghandur. yene bu qewette türkiyening haywan we ösümlükliri bilen tarixtin burunqi inshanlar ishletken saymanlar körgezme qilinidighan bir bölümmu bar. türkiye we dunyaning her qaysi jayliridin keltürülgen minéral maddilar, zinnet buyumliri we tash ewrishkiliri bilen türkiyediki kanchiliq tarixigha alaqidar buyumlarni muzéyning ikkinchi qewitide körgili bolidu.

ema ziyaretchiler üchün layihelengen alahide bölmisi bilenmu, bu muzéy türkiyede tunji bolush alahidilikige ige.


خەتكۈچ: #tebiet , #enqere , #muzéy

مۇناسىۋەتلىك خەۋەرلەر