türk chéyi heqqide némilerni bilisiz?

türkiye awazi radiyosi: türk chéyining türklerge xas demlesh we teqdim qilish usuli barliqini anglighanmidingiz?

5 ming yilliq ötmüshke ige chay türklerning turmushigha kéchikip kirgen bolsimu, türkler arisida özige xas kültür yaratti. türkiyening sherqiy qaradéngiz we rize wilayetliride bir xiil qarachay yétishidu we bu chay xelq arisida «türk chéyi» dep atilidu. biraq, «türk chéyi» uqumi asasliqi türklerge xas chay demlesh we uni méhmanlargha teqdim qilish usuli üchün ishlitilidu.

dewrimizde xilmuxil chaylar we ularni demlesh usulliri bolsimu, türk usuli chay, qorulghan qarachay bilen demlinidu we özige xas béli inchike eynek istakanlarda teqdim qilinidu. türk usuli boyiche chay demleshte chaydanliq we demliktin ibaret ikki cheynek ishlitilidu. chaydanliqta pakiz su qaynitilsa, bosh demlik qaynaq suning horida issitilidu. azraq qaynighan su ichidiki oksigin yoqap ketmestinla soqulghan qarachay sélinghan demlikke tökülidu. demlik, chayning demlinishi üchün ichide su qaynawatqan chaydanliqning üstide 10 minut etrapida turghuzulidu. teyyarlanghan chayni sunushta bolsa, demliktin xalighan miqdarda chay istakanlargha quyulidu. chayning qéniq – susluqini tengshesh üchün chaydanliqtiki qaynaq su quyulidu. arqidin xalighanlar chaygha shéker salidu.

dunyaning eng chong chay bazarlirining biri bolghan türkiyede qarachay ichish türk turmush aditi we medeniyitining ayrilmas bir parchisi hésablinidu. buning bilen birge chay kültüri türklerge nisbeten birlikte yashash we méhmandarchiliqningmu eng muhim simwollirining biridur.