istanbul changlirining dunyawi dangqini anglighanmidingiz

didem öztashbashi teripidin teyyarlanghan «biliwéling» namliq pirogrammimizning bügünki sanida «istanbul changliri» heqqidiki uchurlarni siler bilen ortaqlishimiz.

1458607
istanbul changlirining dunyawi dangqini anglighanmidingiz

türkiye awazi radiyosi xewiri: istanbulda yasalghan chang (chalghu)larning dunya muzika eswabliri sanaiti saheside nahayiti dangliq ikenlikini anglighanmidingiz?

17 – esirde ziljiyan (chang yasighuchi) ustining yoshurun maharetler bilen yasighan changliri esirlerdin buyan tillarda dastan bolmaqta, nam – shöhriti éghizdin éghizgha köchüp yürmekte. 1623 – yili qurulghan ziljiyan zawuti 20 –  esirning ikkinchi yérimighiche ishlepchiqirishini dawamlashturghan bolup, u yerde yasalghan changlar pütkül dunyadiki dumbaqchilarning birinchi orunda turidighan chalghusi bolghanidi. 1978 – yili zawutning taqiwétilishidin kéyin, 10 yéshidin bashlap ziljiyanlar bilen ishlesh arqiliq ustiliq sewiyesige yetken mehmet tamdeger bu enenini ötküzüwalidu we epsaniwi changlarni «istanbul mehmet» dégen marka bilen ishlepchiqirishni dawamlashturidu.

dunyaning hemmila yéride tonulghan «istanbul mehmet» markiliq changlarning eng gewdilik alahidiliki qol bilen yasilidighan bolushidur. hazirqi künde 50 din artuq döletke éksport qilinidighan bu changlar, hem istanbulning hem türkiyening namini muzika dunyasigha anglitishni dawamlashturmaqta.


خەتكۈچ: #zil , #chang , #istanbul

مۇناسىۋەتلىك خەۋەرلەر