liwiye tengpungluqidiki axirqi özgirish

küntertip we analiz (28)

1452487
liwiye tengpungluqidiki axirqi özgirish

liwiye tengpungluqidiki axirqi özgirish

«küntertip we analiz» namliq pirogrammimizning bügünki bölümide,  siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «liwiye tengpungluqidiki axirqi özgirish» témiliq analizni diqqitinglargha sunimiz.

türkiyening  liwiye mesilisige liwiye döletlik muresseleshtürüsh hökümiti (UMH) ge paydiliq bir shekilde arilishishi bilen,  liwiyede pütkül tengpungluq özgirip, hem herbiy, hem siyasiy tereqqiyatlar dawamlashmaqta. türkiye armiyesi qollawatqan liwiye döletlik muresseleshtürüsh hökümiti (UMH) qisimliri, sirte we jufra sheherlirini qayturup élish üchün uzun teyyarliqtin kéyin, rayon etrapigha jaylishish bilen birge, hawa mudapie sistémiliri arqiliqmu qisimlirini mustehkemleshke tirishmaqta. yene bir terepte hafterge tewe qoralliq unsurlar bolsa, rusiyening süriye arqiliq jufragha yötkigen urush ayropilanliridin bashqa yene, ereb birleshme xelipilikining meblighi bilen esed qisimlirigha tewe qoralliqlarni rayongha yötkep kélish arqiliq herbiy nuqtidin qarshiliq körsitishning koyida yürmekte.

yéngi herbiy özgirishlerdin bashqa yene, liwiyening diplomatiye sahesidimu intayin heriketchanliq bolmaqta. türkiyedin bashqa, fransiye we italiyemu boy körsitiwatqan bolsa, ereb birleshme xelipilikining yéteklishi bilen misirdiki herbiy isyanchi général abdulfettah essisi ochuq halda liwiyediki toqunushqa arilishalaydighanliqini jakarlap yürmekte.

liwiyede uzundin buyan dawamlishiwatqan toqunushlarning yönülishi, türkiyening arilishishi we liwiye döletlik muresseleshtürüsh hökümiti (UMH) qisimlirigha qilghan yardimi bilen özgergendin kéyin, hafterni qollaydighan aktiyorlar biwasite weziyetke arilishish izdinishige mejbur bolghandek qilidu. rusiye, firansiye, ereb birleshme xelipiliki we misir qatarliq döletlerdin shekillengen bu birleshme, (gerche ularning menpeetliri oxshashmaydighan bolsimu) liwiye döletlik muresseleshtürüsh hökümiti (UMH) qisimlirining hafterni pütünley meghlub qilip, pütkül liwiyege hökümranliq qilishining aldini élish üchün arqimu arqidin bezi heriketlerni qilmaqta.

ularning asasliq muhim nuqtisi diplomatiye üstilini seperwer qilip, bir mezgil bolsimu urush toxtitish pursiti yaritish arqiliq hafter qoralliq küchlirini meghlubiyettin qutquzup qilishtin ibaret bolmaqta. bu mezgilde rusiyening nurghun sanda urush ayropilani yötkishi we ereb birleshme xelipiliki teminligen meblegh bilen esed hakimiyitidin liwiyediki birinchi sepke qoraaliqlarni yötkishi netijiside, hafter unsurlirining chékinishi hazirche toxtighandek qilidu.

ereb birleshme xelipilikining yene, liwiyening gherbidiki wattiye hawa armiye bazisigha qilghan hawa hujumi mezkur birleshmining qanchilik iradilik ikenliklirini körsitishning muhim izhari bolup qaldi. bu döletler héch bolmighanda nöwettiki weziyetni saqlap qélish we néfit hilali bilen birge, sirte we jufra qatarliq sheherlerning liwiye döletlik muresseleshtürüsh hökümiti (UMH) qisimlirining qoligha chüshüp kétishining aldini élishni arzu qilishmaqta. türkiye bolsa, qanunluq hökümetke yardem qilishni dawamlashturmaqta. aldinqi hepte türkiyedin yuqiri derijilik rehberlerning liwiyeni ziyaret qilip, tüzgen bir qisim kélishimlirimu weziyetni mustehkemligen ehwalda turmaqta.  

türkiye elwette diplomatiye arqiliq liwiyede purset yaratmaqchi we deslepte uzun muddetlik urush toxtitish, andin siyasiy hel qilish musapisini emelge ashurush  tirishchanliqida bolmaqta. biraq, buning üchün 2015 - yili marakeshte imzalanghan suxeyrat kélishimi bolsa, barliq küchlerning chékindürülüshini, yeni sirte we jufra qatarliq ikki halqiliq rayonning liwiye döletlik muresseleshtürüsh hökümiti (UMH)  qisimlirining kontrolluqigha ötüshi kéreklikini otturigha qoymaqta.

qandaqla bolmisun, tereplerning bu nuqtidin kélishelishi mumkin emes, aldimizdiki künlerde, liwiye döletlik muresseleshtürüsh hökümiti (UMH) qisimlirining sirteni kontrolluqi astigha élish üchün, heriket bashlaydighanliqini mölcherliyeleymiz.



مۇناسىۋەتلىك خەۋەرلەر